'കണ്ണീരോടെ അന്ത്യചുംബനം', സുഹൃത്തിന്റെ വിയോ​ഗത്തിൽ ഹൃദയം തകർന്ന് നിവിൻ പോളി 

ആത്മസുഹൃത്തിന്റെ വേർപാടിൽ ഹൃദയംതകർന്ന് നടൻ നിവിൻ പോളി. ആലുവ മാഞ്ഞൂരാൻ വീട്ടിൽ നെവിൻ ചെറിയാന്റെ (38) മരണമാണ് നിവിൻ പോളിക്കും നടൻ സിജു വിൽസന്റിനും തീരാവേദനയായത്. ഇരുവരുടേയും ബാല്യകാല സുഹൃത്തായിരുന്നു നെവിൻ. നിവിൻ പോളിയുടെ പിറന്നാൾ ദിനത്തിലാണ് സുഹൃത്തിന്റെ വേർപാട്. 

തലച്ചോറിനെ ബാധിക്കുന്ന അമിയോട്രോപിക് ലാറ്ററൽ സ്‌ക്‌ളിറോസിസ് എന്ന അപൂർവങ്ങളിൽ അപൂർവമായ രോഗം ബാധിച്ചു കുറച്ചു നാളുകളായി ചികിത്സയിലായിരുന്നു നെവിൻ. വിദേശത്തു ജോലി ചെയ്യവേ ആണ് നെവിനു രോഗം സ്ഥിരീകരിക്കുന്നത്. കുറച്ചു നാളായി അത്യാസന്ന നിലയിലായിരുന്നു. സിനിമാ തിരക്കിനിടയിലും രോഗശയ്യയിലായിരുന്ന ആത്മസുഹൃത്തിനെ കാണാൻ നിവിൻ സമയം കണ്ടെത്തുമായിരുന്നു. സംവിധായകൻ അൽഫോൻസ് പുത്രൻറെ അടുത്ത ബന്ധു കൂടിയാണ് നെവിൻ. 

പ്രിയസുഹൃത്തിന്റെ വേർപാടിൽ ഹൃദയം തകർന്ന് നിൽക്കുന്ന നിവിന്റെ വിഡിയോ ആരാധകർക്ക് വേദനയാവുകയാണ്. ആലുവ സെന്റ് ഡൊമിനിക് കത്തോലിക്ക പള്ളി സെമിത്തേരിയിലായിരുന്നു സംസ്കാരചടങ്ങുകൾ നടന്നത്. സംസ്കാര ചടങ്ങിൽ ഉടനീളം നിവിന്റേയും സിജുവിന്റേയും സാന്നിധ്യമുണ്ടായിരുന്നു. നിറകണ്ണുകളോടെയാണ് ഇരുവരും കൂട്ടുകാരന് അന്ത്യചുംബനം നൽകിയത്. 

ഈ വാർത്ത കൂടി വായിക്കൂ  

'വേണു മരിച്ച ശേഷം വീട്ടിൽ ചെന്നപ്പോൾ അദ്ദേഹത്തിന്റെ ഭാര്യ ഒരു പാക്കറ്റ് തന്നു, എന്റെ കണ്ണുനിറഞ്ഞു'

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ