പാന്റ് ചിലപ്പോൾ നിക്കറാവും, പക്ഷേ സൗജന്യമാണ്; ഇത് സോനൂ സൂദിന്റെ തയ്യൽകട; വിഡിയോ

തയ്യൽ മെഷീനിൽ ഇരുന്ന് വസ്ത്രം തയ്ക്കുന്ന വിഡിയോ ആണ് താരം പങ്കുവെച്ചത്
വിഡിയോ സ്ക്രീൻഷോട്ട്, സോനു സൂദ്/ ട്വിറ്റർ
വിഡിയോ സ്ക്രീൻഷോട്ട്, സോനു സൂദ്/ ട്വിറ്റർ
Updated on
1 min read

സിനിമയിൽ വില്ലനായാണ് നിറഞ്ഞു നിൽക്കുന്നതെങ്കിലും റിയൽ ലൈഫിൽ സൂപ്പർ ഹീറോ ആണ് നടൻ സോനൂ സൂദ്. ലോക്ക്ഡൗണിൽ സാധാരണക്കാർക്കായി അദ്ദേഹം നൽകിയ സഹായമാണ് ഇന്ത്യക്കാരുടെ മനം കവർന്നത്. സോഷ്യൽ മീഡിയയിൽ ആക്റ്റീവായ താരം ആരാധകരുമായി സംവദിക്കാറുമുണ്ട്. ഇപ്പോൾ വമ്പൻ സൗജന്യവുമായി എത്തുകയാണ് താരം.

തന്റെ തയൽ കടയാണ് താരം ആരാധകർക്കായി പരിചയപ്പെടുത്തിയത്. സൗജന്യമായി തുന്നിത്തരുമെങ്കിലും പാന്റ് ചിലപ്പോൾ നിക്കറാവും എന്നാണ് താരത്തിന്റെ മുന്നറിയിപ്പ്. തയ്യൽ മെഷീനിൽ ഇരുന്ന് വസ്ത്രം തയ്ക്കുന്ന വിഡിയോ ആണ് താരം പങ്കുവെച്ചത്. തുറസായ ഒരു സ്ഥലത്തുവെച്ചാണ് വിഡിയോ ഷൂട്ട് ചെയ്തിരിക്കുന്നത്. രസകരമായ അടിക്കുറിപ്പിനൊപ്പമാണ് വിഡിയോ പങ്കുവെച്ചിരിക്കുന്നത്.

''സോനു സൂദ് തയ്യൽക്കട. ഇവിടെ സൗജന്യമായി തയ്ച്ചുതരും. പക്ഷേ പാന്റ് ചിലപ്പോ നിക്കർ ഒക്കെ ആയി മാറിയേക്കാം. അതിനൊന്നും ഒരു ഗ്യാരണ്ടിയും ഇല്ല'', താരം ട്വീറ്റ് ചെയ്തു. ഏതെങ്കിലും സിനിമക്കു വേണ്ടിയോ ഷൂട്ടിനു വേണ്ടിയാണോ എന്നത് വ്യക്തമല്ല. ആരാധകർ ഏറ്റെടുത്തിരിക്കുകയാണ് വിഡിയോ. തുണി തയിച്ചു കിട്ടാൻ എന്താണ് ചെയ്യേണ്ടത് എന്നാണ് ആരാധകർ ചോദിക്കുന്നത്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com