തിളങ്ങുന്ന ചര്‍മ്മവും കൃത്യമായ ശരീര അളവുകളുമായി ആരാധകരെ അമ്പരപ്പിക്കുന്നവരാണ് ഭൂരിഭാഗം നടിമാരും. കുരുക്കളോ പാടുകളോ ഒന്നും ഇല്ലാത്ത പെര്‍ഫക്ട് സ്‌കിന്നാണ് അവര്‍ക്കുള്ളത് എന്നാണ് നമ്മള്‍ കരുതുക. അവരെപ്പോലെ സുന്ദരിയാകാന്‍ പരീക്ഷണങ്ങള്‍ നടത്താന്‍ വരെ പലരും തയാറാകാറുണ്ട്. എന്നാല്‍ തങ്ങളുടേയും ചര്‍മ്മം പാടുകളും കുരുക്കളുമുണ്ടെന്ന് വ്യക്തമാക്കുകയാണ് പാര്‍വതി.
തന്റെ മുഖത്തിന്റെ ക്ലോസ് ലുക്ക് ആരാധകരെ കാണിച്ചിരിക്കുകയാണ് പാര്‍വതി. വിഡിയോയിലൂടെയാണ് കറുത്ത പാടുകളും മുറിപ്പാടുകളും കുരുക്കളുമുള്ള തന്റെ മുഖം പാര്‍വതി വ്യക്തമാക്കിയത്. ഇതാണ് തന്റെ ചര്‍മ്മമെന്നും ഇത് മനോഹരമാണെന്നും താരം പറയുന്നുണ്ട്.
നിങ്ങളുടെ ശരീരവും ചര്‍മവും എങ്ങനെയാണോ അങ്ങനെതന്നെ ആഘോഷിക്കണം. ക്ലിയര്‍ സ്‌കിന്‍ മത്സരങ്ങളും മറ്റും മറ്റൊരു രീതിയില്‍ ചിന്തിപ്പിക്കാന്‍ കാരണമാകും. നിങ്ങള്‍ ആഗ്രഹിക്കുന്നുണ്ടെങ്കില്‍ നിങ്ങളുടെ ശരീരവും സ്‌കിന്നും അടുത്തു കാണാന്‍ ഞാന്‍ നിങ്ങളെ ക്ഷണിക്കുകയാണ്. ഇതാണ് എന്റെ ചര്‍മ്മം ഇത് മനോഹരമാണ്. ഇതാണ് എന്റെ ശരീരം എങ്ങനെയാണോ അങ്ങനെയാണ്. ഞാന്‍ അത് ഇഷ്ടപ്പെടുന്നു. - എന്ന കുറിപ്പിലാണ് പാര്‍വതി വിഡിയോ പങ്കുവച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
