'മണിരത്നത്തിന്റെ ആ സിനിമയാണ് എനിക്ക് ഏറ്റവും പ്രിയപ്പെട്ടത്'; ഇഷ്ട സിനിമയെക്കുറിച്ച് പറഞ്ഞ് പ്രഭാസ്

തനിക്കേറ്റവും ഇഷ്ടപ്പെട്ട സിനിമ ഏതാണെന്ന് പറഞ്ഞ് നടൻ പ്രഭാസ്. തന്റെ എക്കാലത്തെയും പ്രിയപ്പെട്ട സിനിമ ഒരു റൊമാന്റിക് സിനിമയാണെന്നും പ്രഭാസ് വെളിപ്പെടുത്തി. അടുത്തിടെ ഒരു അഭിമുഖത്തിൽ സംസാരിക്കുകയായിരുന്നു പ്രഭാസ്. ​'ഗീതാഞ്ജലി' ആണ് തന്റെ ഇഷ്ട സിനിമയെന്ന് പ്രഭാസ് പറഞ്ഞു.

"പ്രണയ കഥകൾ ഇഷ്ടപ്പെടുമ്പോൾ എന്തിനാണ് ഇത്രയധികം ആക്ഷൻ സിനിമകൾ ചെയ്യുന്നതെന്ന് ആളുകൾ എന്നോട് പലപ്പോഴും ചോദിക്കാറുണ്ട്. ഗീതാഞ്ജലിയാണ് എന്റെ എക്കാലത്തെയും പ്രിയപ്പെട്ട സിനിമയെന്ന് ഞാൻ എപ്പോഴും അവരോട് പറയാറുണ്ട്."- പ്രഭാസ് പറഞ്ഞു.

1989 ൽ മണിരത്നം സംവിധാനം ചെയ്ത ചിത്രമാണ് ഗീതാഞ്ജലി. നാഗാർജുന, ഗിരിജ ഷെട്ടാർ എന്നിവരാണ് ചിത്രത്തിൽ പ്രധാനവേഷങ്ങളിൽ അഭിനയിച്ചത്. ഇളയരാജയാണ് ചിത്രത്തിന് സം​ഗീതമൊരുക്കിയത്. 100 ​​ദിവസത്തിലധികം ചിത്രം തിയറ്ററുകളിൽ ഓടുകയും ചെയ്തിരുന്നു. അതേസമയം ദ് രാജാസാബ് ആണ് പ്രഭാസിന്റേതായി ഒടുവിൽ തിയറ്ററുകളിലെത്തിയ ചിത്രം.

വൻ ബഡ്ജറ്റിലൊരുങ്ങിയ ചിത്രം തിയറ്ററുകളിൽ പരാജയപ്പെടുകയും ചെയ്തു. ഒടിടിയിലും ചിത്രത്തിന് മികച്ച പ്രതികരണം നേടാനായില്ല. കൽക്കി 2898 എഡിയുടെ രണ്ടാം ഭാ​ഗമാണ് പ്രഭാസിന്റേതായി ഇനി അണിയറയിൽ ഒരുങ്ങുന്ന ചിത്രം. കഴിഞ്ഞ ദിവസം ചിത്രത്തിന്റെ ഷൂട്ടിങ് ആരംഭിച്ചിരുന്നു. ചിത്രത്തിന്റെ ആദ്യ ഭാ​​ഗം തിയറ്ററുകളിൽ ഹിറ്റായതോടെ രണ്ടാം ഭാ​ഗത്തിൽ പ്രേക്ഷകർക്ക് വലിയ പ്രതീക്ഷയാണുള്ളത്.