'യുദ്ധത്തിൽ കേവലം മൃത്യുവാണ് ജയിക്കുന്നത്'! ഞെട്ടിച്ച് ബി​ഗ് ബിയും കമൽ ഹാസനും; കൽക്കി റിലീസ് ട്രെ‌യ്‌ലർ

പ്രഭാസ് - നാ​ഗ് അശ്വിൻ കൂട്ടുകെട്ടിലെത്തുന്ന കൽക്കി 2898 എഡിയുടെ റിലീസ് ട്രെയ്‌ലർ പുറത്ത്. അമിതാഭ് ബച്ചന്റെ ഇൻട്രോയിലൂടെയാണ് ട്രെയ്‌ലർ തുടങ്ങുന്നത്. യുദ്ധ രം​ഗങ്ങൾ കോർത്തിണക്കി‌യാണ് ട്രെയ്‌ലർ ഒരുക്കിയിരിക്കുന്നത്. പ്രഭാസ്, ദീപിക പദുകോണ്‍, കമല്‍ ഹാസന്‍, ശോഭന തുടങ്ങിയവരെല്ലാം ട്രെയ്‌ലറിൽ പ്രത്യക്ഷപ്പെടുന്നുണ്ട്.

അതിഗംഭീരമായ ദൃശ്യ വിസ്മയമാണ് പ്രേക്ഷകരെ കാത്തിരിക്കുന്നതെന്നാണ് ട്രെയ്‌ലർ നൽകുന്ന സൂചന. സയൻസ് ഫിക്ഷനായി ഒരുങ്ങുന്ന ചിത്രം ഈ മാസം 27 നാണ് തിയറ്ററുകളിലെത്തുക. വൈജയന്തി മൂവീസിന്റെ ബാനറില്‍ സി അശ്വിനി ദത്ത് നിര്‍മ്മിക്കുന്ന ഈ ചിത്രം ദുല്‍ഖര്‍ സല്‍മാന്‍റെ വേഫെയര്‍ ഫിലിംസാണ് കേരളത്തില്‍ വിതരണത്തിനെത്തിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കാശി, കോംപ്ലക്സ്, ശംഭാല എന്നീ മൂന്ന് ലോകങ്ങളുടെ കഥയാണ് 'കൽക്കി 2898 എഡി' പറയുന്നത്. അതിജീവനത്തിനായി പോരാടുന്നവരുടെ അവസാനത്തെ നഗരമായിട്ടാണ് കാശിയെ ചിത്രീകരിച്ചിരിക്കുന്നത്. സന്തോഷ് നാരായണനാണ് സം​ഗീതമൊരുക്കുന്നത്.