ബോളിവുഡ് സൂപ്പർതാരങ്ങളുടെ മക്കളെല്ലാം പഠിക്കുന്നത് ധീരുഭായ് അംബാനി ഇന്റർനാഷനൽ സ്കൂളിലാണ്. കഴിഞ്ഞ ദിവസം നടന്ന വാർഷിക ആഘോഷത്തിൽ പങ്കെടുക്കാൻ സൂപ്പർതാരങ്ങൾ ഒന്നാകെ എത്തിയത് വാർത്തയായിരുന്നു. ഇപ്പോൾ വാർഷികത്തിന് എത്തിയ പൃഥ്വിരാജിന്റേയും സുപ്രിയയുടേയും വിഡിയോ ആണ് വൈറലാവുന്നത്.
മുംബൈയിലേക്ക് താമസം മാറിയതോടെ മകൾ അലംകൃതയെ ധീരുഭായ് അംബാനി ഇന്റർനാഷനൽ സ്കൂളിലാണ് ചേർത്തത്. അതിനാലാണ് പൃഥ്വിരാജും സുപ്രിയയും സ്കൂൾ വാർഷികത്തിന് എത്തിയത്. താരദമ്പതികളായ സെയ്ഫ് അലി ഖാനും കരീന കപൂറിനും പിന്നിലുള്ള സീറ്റിലാണ് പൃഥ്വിരാജ് ഇരുന്നത്. നേവി ബ്ല്യൂ ഷർട്ട് ധരിച്ചാണ് പൃഥ്വിരാജ് പരിപാടിയ്ക്ക് എത്തിയത്. നീല ഡ്രസ്സായിരുന്നു സുപ്രിയയുടെ വേഷം. സോഷ്യൽ മീഡിയയിൽ വൈറലാവുകയാണ് ഇവരുടെ വിഡിയോ.
പൃഥ്വിരാജും സുപ്രിയയും കഴിഞ്ഞ മാസം മുംബൈയിലേക്കു താമസം മാറ്റിയിരുന്നു. മുംബൈയിലെ ഏറ്റവും പോഷ് ഏരിയയിൽ ഒന്നായ പാലി ഹില്ലിലാണ് ഇവരുടെ താമസം. ഷാരൂഖ് ഖാൻ, ഐശ്വര്യ റായ്– അഭിഷേക് ബച്ചൻ, കരൺ ജോഹർ, ഷാഹിദ് കപൂർ, കരീന കപൂർ- സെയ്ഫ് അലി ഖാൻ എന്നിവരുൾപ്പെടെയുള്ള ബോളിവുഡ് താരങ്ങളുടെ മക്കൾ പഠിക്കുന്നത് ധീരുഭായ് അംബാനി ഇന്റർനാഷനൽ സ്കൂളിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
