'പുഷ്പ' ഗായിക' ഇന്ദ്രവതി ചൗഹാന്‍' മലയാളത്തിലേക്ക്

പുഷ്പ സിനിമയിലെ 'ഉ ആണ്ടവാ മാമ' എന്ന ഒറ്റ പാട്ട് കൊണ്ട് ശ്രദ്ധേയയായി മാറിയ ​ഗായികയാണ് ഇന്ദ്രവതി ചൗഹാന്‍. പുഷ്പയിലെ ഈ പാട്ട് ഇന്ദ്രവതിയെ പാൻ ഇന്ത്യൻ ​ഗായികയാക്കി മാറ്റി. ഇപ്പോഴിതാ ഇന്ദ്രവതി മലയാളത്തിലും അരങ്ങേറ്റം കുറിച്ചിരിക്കുകയാണ്

ട്രിയാനി പ്രൊഡക്ഷൻ്‍റെ ബാനറിൽ അനിൽ കുമാർ ജി. നിർമ്മിച്ച് സുജിത് എസ്.നായർ രചനയും സംവിധാനവും നിർവഹിക്കുന്ന 'അങ്കം അട്ടഹാസം' എന്ന ആക്ഷൻ ത്രില്ലർ ചിത്രത്തിന് വേണ്ടിയാണ് ഇന്ദ്രവതി പാടുന്നത്. കഴിഞ്ഞ ദിവസം ഹൈദരാബാദ് സ്റ്റുഡിയോയിൽ പാട്ടിന്റെ റെക്കോർഡിങ്ങ് നടന്നു.

മാധവ് സുരേഷ്, ഷൈൻ ടോം ചാക്കോ, സൈജു കുറിപ്പ് എന്നിവർ കേന്ദ്ര കഥാപാത്രങ്ങളാകുന്ന ചിത്രം തിരുവനന്തപുരം പശ്ചാത്തലമാക്കി അവതരിപ്പിക്കുന്ന ആക്ഷൻ പാക്ക്ഡ് ത്രില്ലറാണ്. ഫിനിക്സ് പ്രഭു ഉൾപ്പെടെ മികച്ച ആക്ഷൻ കൊറിയോ​ഗ്രാഫർമാർ ചിത്രത്തിന്റെ ഭാ​ഗമാകുന്നു. ശ്രീകുമാപ്‍ വാസുദേവാണ് ചിത്രത്തിന്റെ സം​ഗീത സംവിധായകൻ.