പൂജ ഹെ​ഗ്ഡെയ്ക്കൊപ്പം കിടിലൻ സ്റ്റെപ്പുമായി സൗബിൻ; കൂലിയിലെ 'മോണിക്ക' ​ഗാനമെത്തി

ലോകേഷ് കനകരാജിന്റെ സംവിധാനത്തിലൊരുങ്ങുന്ന രജനികാന്ത് ചിത്രം കൂലി ഏറെ പ്രതീക്ഷയോടെയാണ് തെന്നിന്ത്യൻ സിനിമാ പ്രേക്ഷകർ കാത്തിരിക്കുന്നത്. ഇപ്പോഴിതാ ചികിട് എന്ന പാട്ടിന് ശേഷം കൂലിയിലെ പുതിയ പാട്ട് പുറത്തുവിട്ടിരിക്കുകയാണ് അണിയറപ്രവർത്തകർ. മോണിക്ക എന്ന് തുടങ്ങുന്ന പാട്ടിൽ പൂജ ഹെ​ഗ്ഡയും സൗബിൻ ഷാ​ഹിറുമാണുള്ളത്.

പൂജയ്ക്കൊപ്പം കിടിലൻ നൃത്തച്ചുവടുകളുമായി തിളങ്ങിയിരിക്കുകയാണ് സൗബിൻ. അനിരുദ്ധ് രവിചന്ദർ ആണ് ചിത്രത്തിന് സം​ഗീതമൊരുക്കുന്നത്. സുബലാഷിനി, അനിരുദ്ധ്, അസൽ കോലാർ എന്നിവർ ചേർന്നാണ് ​ഗാനം ആലപിച്ചിരിക്കുന്നത്. രജനികാന്തും ലോകേഷ് കനകരാജും ആദ്യമായി ഒന്നിക്കുന്ന ചിത്രമാണ് കൂലി.

സൺ പിക്ചേഴ്സിന്റെ ബാനറിൽ കലാനിധി മാരനാണ് കൂലിയുടെ നിർമാണം. ആമിർ ഖാൻ, നാ​ഗാർജുന, ഉപേന്ദ്ര എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. ദാഹ എന്നാണ് ആമിർ ഖാന്റെ ചിത്രത്തിലെ പേര്. ദേവയായി രജനികാന്തും ദയാലായി സൗബിനും സൈമൺ ആയി നാ​ഗാർജുനയും ചിത്രത്തിലെത്തുന്നുണ്ട്.

ഓഗസ്റ്റ് 14 നാണ് ചിത്രം തിയറ്ററിൽ എത്തുന്നത്. ശ്രുതി ഹാസൻ, റെബ മോണിക്ക ജോൺ എന്നിവരാണ് നായികമാരായെത്തുന്നത്. ഗിരീഷ് ഗംഗാധരൻ കാമറ കൈകാര്യം ചെയ്യുന്ന ചിത്രത്തിന്റെ എഡിറ്റിങ് നിർവഹിക്കുന്നത് ഫിലോമിൻ രാജ് ആണ്.