'വേണ്ടാ, വേണ്ടാന്നു വിചാരിച്ചതാ'; ഷർട്ടൂരി കളത്തിലിറങ്ങി രമേഷ് പിഷാരടി, മത്സരം ലോക ചാമ്പ്യനോട്

ഹാസ്യ താരമായി എത്തി മലയാളികളുടെ മനം കവർന്ന താരമാണ് രമേഷ് പിഷാരടി. നടൻ, സംവിധായകൻ എന്നീ നിലകളിൽ ശ്രദ്ധേയനായ താരം സോഷ്യൽ മീഡിയയിൽ അക്ററീവാണ്. താരത്തിന്റെ രസകരമായ കാപ്ഷനുകൾ ആരാധകരുടെ മനം കവരാറുണ്ട്. ഇപ്പോൾ വൈറലാവുന്നത് താരത്തിന്റെ ഒരു ബോക്സിങ് ചിത്രമാണ്. 
‌
ലോക ഹെവി വെയ്റ്റ് ചാമ്പ്യനായ ആന്തണി ജോഷ്വായോട് എതിരിടുന്ന രമേഷ് പിഷാരടിയെയാണ് ചിത്രത്തിൽ കാണുന്നത്. ഒറ്റനോട്ടത്തിൽ ആരാധകരെ ഞെട്ടിക്കുന്നതാണ് ചിത്രം. ഷർട്ടില്ലാതെ ബോക്സിങ്ങിനായി തയാറി നിൽക്കുന്ന പിഷാരടിയെയാണ് ചിത്രത്തിൽ കാണുന്നത്. ലണ്ടനിലെ മാഡം തുസാഡ്‍സ് വാക്സ് മ്യൂസിയത്തിലെ ജോഷ്വായുടെ മെഴുക് പ്രതിമയോടാണ് താരത്തിന്റെ മത്സരം. വേണ്ടാ, വേണ്ടാന്നു വിചാരിച്ചതാ - എന്ന കാപ്ഷനൊപ്പമുള്ള ചിത്രങ്ങൾ ആരാധകരുടെ ഹൃദയം കവരുകയാണ്. 

അയാൾക്ക് അങ്ങനെ ഒരു വിചാരം വന്നത് നന്നായി ..അല്ലേ കുടുംബം പട്ടിണി ആയി പോയേനെ എന്നായിരുന്നു ഒരാളുടെ കമന്റ്. ഷാജി പാപ്പാനോട് ചോദിച്ചാൽ 'നീലക്കുറിഞ്ഞി' കിട്ടും, 'നടു വേദന'-ക്ക് ബെസ്റ്റ് ആണ്- എന്നാണ് മറ്റൊരാൾ കമന്റ് ചെയ്തത്. 

ഈ വാര്‍ത്ത കൂടി വായിക്കൂ 

'അവളെ ഞാന്‍ ഭ്രാന്തമായി പ്രണയിക്കുന്നു'; തമന്നയെക്കുറിച്ച് വിജയ് വര്‍മ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ