ചത്താ പച്ചയ്ക്ക് ശേഷം അര്‍ജുനും റോഷനും; നായിക ഗൗരി കിഷന്‍; മിസ്റ്ററി ത്രില്ലറുമായി യുവനിര

ചത്താ പച്ചയ്ക്ക് ശേഷം റോഷനും അർജുനും ഒരുമിക്കുന്നു. മിസ്റ്ററി ത്രില്ലർ ജോണറിൽ യുവനിരയെ അണിനിരത്തി സുവിൻ എസ് സോമശേഖരൻ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തിൻ്റെ ചിത്രീകരണം അങ്കമാലി ജോസ് പുരത്ത് ആരംഭിച്ചു.

അർജ്ജുൻ അശോകനും , റോഷൻ മാതൃുവും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ ഗൗരി കിഷനാണ് നായിക. ബാലു വർഗീസ് , ഹരിശ്രീ അശോകൻ ,സൂര്യാ ക്രിഷ് , ജിയോ ബേബി , വീണാ നായർ എന്നിവരും പ്രധാന വേഷങ്ങളിലെത്തുന്നു. ടൊവിനോ തോമസ് നായകനായ നടികർ എന്ന ചിത്രത്തിൻ്റെ തിരക്കഥ രചിച്ചത് സുവിനാണ്.

പ്രശസ്ത ഛായാഗ്രാഹകനും, സംവിധായകനുമായ വേണു ആണ് ഈ ചിത്രത്തിന്റെ ഛായാഗ്രഹണം നിർവ്വഹിക്കുന്നത്. ജസ്സാനി എൻ്റെർടൈൻമെൻ്റ് ഇൻ അസ്സോസ്സിയേഷൻ വിത്ത് 6ഡി പിക്ച്ചേർസിൻ്റെ ബാനറിൽ ചേതൻ ഡിയോലേക്കർ, ക്രിഷ് സുൽത്താൻ എന്നിവരാണ് ഈ ചിത്രം നിർമ്മിക്കുന്നത്. കോ പ്രൊഡ്യൂസേർസ് - അനൂപ് വേണുഗോപാൽ , അനുബിൻ.

യൂത്തിൻ്റെ കാഴ്ച്ചപ്പാടുകൾക്കും വികാരവിചാരങ്ങൾക്കും ഏറെ പ്രാധാന്യം നൽകി അവതരിപ്പിക്കുന്ന ഈ ചിത്രം ശക്തമായ കുടുംബമുഹൂർത്തങ്ങൾക്കും ഹ്യൂമറിനും പ്രാധാന്യം നൽകുന്നുണ്ട്. സംഗീതം - യാക്സൻ ഗാരി പെരേര, നേഹാ നായർ. ടൈറ്റിൽ ട്രാക്ക് - ജാക്സൻ വിജയൻ.

എഡിറ്റിംഗ് - രതീഷ് രാജ്. കലാസംവിധാനം - പ്രശാന്ത് മാധവ്. മേക്കപ്പ് - ആർ. ജി വയനാടൻ. കോസ്റ്റ്യും ഡിസൈൻ-ധന്യാ ബാലകൃഷ്ണൻ. ശബ്‌ദ രൂപകല്പന- ജയദേവൻ. ചക്കാടത്ത്. ശബ്‌ദ മിശ്രണം-സിനോയ് ജോസഫ്- ചീഫ് അസ്സോസ്സിയേറ്റ് ഡയറക്ടർ - പി ഇമ്മാനുവൽ. സംഘട്ടനം - സുപ്രീം സുന്ദർ. സ്‌റ്റിൽസ് - രോഹിത് . കെ. സുരേഷ്. പരസ്യകല- ഹെസ്റ്റൻലിനോ.

പ്രൊഡക്‌ഷൻ മാനേജർ - സുനിൽ പി. എസ്. പ്രൊഡക്‌ഷൻ എക്സിക്കുട്ടീവ്- നസീർ കാരന്തൂർ. പ്രൊഡക്‌ഷൻ കൺട്രോളർ- പ്രതീഷ് മാവേലിക്കര. ആലുവയും പരിസരങ്ങളിലുമായി ചിത്രത്തിൻ്റെ ചിത്രീകരണം പൂർത്തിയാകും. പിആർഒ- വാഴൂർ ജോസ്.