

15 വർഷത്തെ ഇടവേളയ്ക്കു ശേഷം സൂര്യയും ബാലയും ഒന്നിക്കുന്ന ചിത്രമാണ് സൂര്യ 41. ചിത്രത്തിനായി ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്. കുറച്ചുനാൾക്കു മുൻപാണ് ചിത്രത്തിന്റെ ആദ്യ ഷെഡ്യൂൾ പൂർത്തിയാക്കിയത്. എന്നാൽ കഴിഞ്ഞ കുറച്ചു ദിവസങ്ങളായി പുറത്തുവരുന്ന വാർത്തകൾ അത്ര ശുഭകരമായിരുന്നില്ല. ഈ ചിത്രം പാതിവഴിയിൽ ഉപേക്ഷിച്ചു എന്നായിരുന്നു അഭ്യൂഹങ്ങൾ. ഇപ്പോൾ ഇതിനു മറുപടിയുമായി സൂര്യ തന്നെ രംഗത്തെത്തിയിരിക്കുകയാണ്.
ലൊക്കേഷനിൽ നിന്നുള്ള ബാലയ്ക്കൊപ്പമുള്ള ചിത്രമാണ് സൂര്യ സോഷ്യൽ മീഡിയയിൽ പങ്കുവച്ചത്. സെറ്റിൽ തിരിച്ചെത്താൻ കാത്തിരിക്കുന്നു എന്ന അടിക്കുറിപ്പിലായിരുന്നു ചിത്രം. ചിത്രത്തിന്റെ കോസ്റ്റ്യൂമിലാണ് സൂര്യയെ കാണുന്നത്. ടഫ് ലുക്കിലാണ് താരം എത്തുന്നത് എന്നത് വ്യക്തമാണ്. അഭ്യൂഹങ്ങൾ താരം തന്നെ തള്ളിയതോടെ ആരാധകർക്ക് പ്രതീക്ഷയായിരിക്കുകയാണ് സൂര്യയുടെ പോസ്റ്റ്.
ഇതുവരെ പേരിടാത്ത ചിത്രത്തിന്റെ ആദ്യ ഷെഡ്യൂൾ ഷൂട്ടിങ് കന്യാകുമാരിയിലായിരുന്നു. കൃതി ഷെട്ടി, സൂപ്പർ ശരണ്യയിലൂടെ ശ്രദ്ധേയയായ മമിത ബൈജു എന്നിവരാണ് നായികമാരായി എത്തുന്നത്. മറ്റുതാരങ്ങളേക്കുറിച്ചോ അണിയറപ്രവർത്തകരേക്കുറിച്ചോ ഉള്ള വിവരങ്ങൾ പുറത്തുവിട്ടിട്ടില്ല. സൂര്യയുടെ സിനിമാ ജീവിതം തന്നെ വഴിതിരിച്ചുവിട്ട നന്ദ, പിതാമകൻ എന്നിവയാണ് ബാലയും സൂര്യയും ഇതിനുമുമ്പ് ഒന്നിച്ച ചിത്രങ്ങൾ.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates