സിറ്റാഡൽ: ഹണി ബണ്ണിയെന്ന തന്റെ പുതിയ ടിവി സീരിസിന്റെ പ്രൊമോഷൻ തിരക്കുകളിലാണ് നടി സാമന്തയിപ്പോൾ. ഈ മാസം ഏഴിന് ആമസോൺ പ്രൈമിലൂടെയാണ് സീരിസ് സ്ട്രീം ചെയ്ത് തുടങ്ങുക. പ്രൊമോഷന്റെ ഭാഗമായി ഇൻസ്റ്റഗ്രാമിലെ ചോദ്യോത്തര സെഷനിലൂടെ താരം ആരാധകരുടെ ചോദ്യങ്ങൾക്കും മറുപടി പറഞ്ഞു.
ശരീരഭാരവുമായി ബന്ധപ്പെട്ട് തനിക്കെതിരെ ഉയരുന്ന ട്രോളുകൾക്കും സാമന്ത മറുപടി പറഞ്ഞിരിക്കുകയാണിപ്പോൾ. ശരീരഭാരം കുറച്ച് വർധിപ്പിക്കണമെന്നായിരുന്നു ഒരാൾ ആവശ്യപ്പെട്ടത്. താനിപ്പോൾ രോഗാവസ്ഥയുമായി ബന്ധപ്പെട്ട ഒരു ഡയറ്റിലാണെന്നും ആളുകളെ മുൻ വിധിയോടെ സമീപിക്കുന്നത് നിർത്തണമെന്നും സാമന്ത പറഞ്ഞു. "വീണ്ടും ഭാരവുമായി ബന്ധപ്പെട്ട ഒരു കമന്റ് എത്തിയിരിക്കുന്നു.
എന്റെ രോഗാവസ്ഥയുമായി ബന്ധപ്പെട്ട് ഞാന്‍ ആന്റി ഇന്‍ഫ്‌ളമേറ്ററി ഡയറ്റിലാണിപ്പോൾ. അത് ഭാരം കൂടുന്നതിനെ തടയും. ആളുകളെ മുന്‍വിധിയോടെ സമീപിക്കുന്നത് നിര്‍ത്തണം. ജീവിക്കൂ, ജീവിക്കാൻ അനുവദിക്കൂ ഗയ്സ്, ഇത് 2024 ആണ്"- സാമന്ത പറഞ്ഞു.
2022 ലാണ് സാമന്ത തനിക്ക് മയോസൈറ്റിസ് എന്ന ഓട്ടോ ഇമ്മ്യൂൺ രോഗം ബാധിച്ചെന്ന വിവരം ഇൻസ്റ്റഗ്രാമിലൂടെ അറിയിച്ചത്. ഏറെ നാളുകൾ താരം ചികിത്സയിലുമായിരുന്നു. വരുൺ ധവാനും സിറ്റാഡലിൽ പ്രധാന വേഷത്തിലെത്തുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
