ചെവിയിൽ പൂട വരുന്നത് എങ്ങനെയാണ്? സ്ക്രീൻഷോട്ടുമായി സാമന്ത; ചിട്ടിബാബുവിനുള്ള മറുപടി?

ഏറെ പ്രതീക്ഷയോടെ എത്തിയ സാമന്ത ചിത്രം ശാകുന്തളം ബോക്സ് ഓഫിസിൽ തകർന്നടിയുന്ന കാഴ്ചയാണ് തെന്നിന്ത്യൻ സിനിമാലോകം കണ്ടത്. അതിനു പിന്നാലെ സാമന്തയുടെ കരിയർ അവസാനിച്ചു എന്നു പറഞ്ഞുകൊണ്ട് നിർമാതാവ് ചിട്ടിബാബു രം​ഗത്തെത്തി. താരത്തിനെതിരെ രൂക്ഷ വിമർശനമാണ് ചിട്ടി ബാബു നടത്തിയത്. ഇപ്പോൾ നിർമാതാവിന് മറുപടിയുമായി താരം രം​ഗത്തെത്തിയിരിക്കുകയാണ്. 

ചിട്ടിബാബുവിന്റെ പേര് എടുത്തു പറയാതെയായിരുന്നു സാമന്തയുടെ മറുപടി. ​ഗൂ​ഗിൾ സർച്ചിന്റെ സ്ക്രീൻഷോട്ടാണ് താരം ഇൻസ്റ്റ​ഗ്രാം സ്റ്റോറിയാക്കിയത്. ചെവിയിൽ നിന്ന് മുടി വരുന്നത് എങ്ങനെയാണ് എന്ന ചോദ്യത്തിന്റെ മറുപടിയായിരുന്നു ഇത്. ടെസ്റ്റോസ്റ്റിറോണിന്റെ അളവ് വര്‍ധിക്കുന്നതാണ് ചെവിയില്‍ മുടി വളരുന്നതിന്റെ കാരണമായി ഗൂഗിള്‍ മറുപടി നല്‍കിയിരിക്കുന്നത്. ‘#IYKYK’ (If you know you know) എന്ന ഹാഷ്ടാ​ഗിനൊപ്പമായിരുന്നു പോസ്റ്റ്. 

സാമന്തയെ അപമാനിക്കുന്ന തരത്തിലായിരുന്നു ചിട്ടിബാബുവിന്റെ വിമർശനം. വിവാഹ മോചനത്തിന് ശേഷം 'പുഷ്പ'യിൽ ഐറ്റം ഡാൻസ് ചെയ്‌തത് താരത്തിന് മറ്റ് ജീവിതമാർ​ഗം ഇല്ലാത്തത് കൊണ്ടാണെന്നാണ് പറഞ്ഞത്. അവർക്ക് ഒരിക്കലും ഇനി പഴയ രീതിയിലേക്ക് എത്താൻ കഴിയില്ല. വിലകുറഞ്ഞ നാടകമാണ് സിനിമ പ്രമേഷന് വന്നിരിന്ന് സാമന്ത കാണിക്കുന്നതെന്നും അദ്ദേഹം കുറ്റപ്പെടുത്തി. ‌

ഈ വാർത്ത കൂടി വായിക്കൂ 

'പാർട്ടി കഴിഞ്ഞ് നിൽക്കണം, എംഡിക്ക് താൽപ്പര്യമുണ്ട്, പേയ്‌മെന്റ് പ്രശ്‌നമല്ല'; ദുരനുഭവം പറഞ്ഞ് അനാർക്കലി 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ