മലയാളത്തിന്റെ പ്രിയതാരമാണ് സാനിയ അയ്യപ്പൻ. കഴിഞ്ഞ ദിവസം താരത്തിന്റെ 21ാം പിറന്നാളായിരുന്നു. കുടുംബത്തിനും സുഹൃത്തുക്കൾക്കുമൊപ്പമാണ് സാധാരണ സാനിയ പിറന്നാൾ ആഘോഷിക്കാറുള്ളത്. അതിൽ നിന്ന് വ്യത്യസ്തമായി താരം ഇത്തവണ സോളോ ട്രിപ്പ് പോയിരിക്കുകയാണ്. കെനിയയിലേക്കാണ് താരത്തിന്റെ യാത്ര.
പിറന്നാൾ വിശേഷങ്ങൾ സാനിയ തന്നെയാണ് ഇൻസ്റ്റഗ്രാമിലൂടെ പങ്കുവച്ചത്. കെനിയയിലെ റസ്റ്റോറന്റിൽ വച്ച് പിറന്നാൾ ആഘോഷിക്കുന്ന സാനിയയുടെ വിഡിയോയും പുറത്തുവന്നു. കേരള സാരിയിൽ എത്തിയ താരത്തിന് ഗംഭീര സർപ്രൈസാണ് റസ്റ്റോറന്റ് ഒരുക്കിയത്. ബർത്ത്ഡേ ആശംസകൾ അറിയിച്ചുകൊണ്ട് ഹോട്ടലിലെ ജീവനക്കാർ കേക്കുമായി എത്തുകയായിരുന്നു. ഇതു കണ്ട് വികാരാധീനയാകുന്ന സാനിയയേയും വിഡിയോയിൽ കാണാം. കേക്ക് മുറിച്ച് കഴിച്ച ശേഷം ജീവനക്കാർക്ക് കേക്ക് നൽകുന്നതും വിഡിയോയിലുണ്ട്.
അതിനു പിന്നാലെ കെനിയയിൽ നിന്നുള്ള ചിത്രങ്ങളും താരം സോഷ്യൽ മീഡിയയിൽ പങ്കുവച്ചു. മസൈ മാറയിൽ ഇവിടത്തെ ജനങ്ങൾക്കൊപ്പം സമയം ചെലവഴിക്കുന്ന സാനിയയെ ആണ് ചിത്രങ്ങളിൽ കാണുന്നത്. തദ്ദേശിയർ ധരിച്ചിരിക്കുന്നതുപോലത്തെ ആഭരണങ്ങളും താരം അണിഞ്ഞിട്ടുണ്ട്. നിരവധി പേരാണ് സാനിയയ്ക്ക് പിറന്നാൾ ആശംസകൾ അറിയിച്ചുകൊണ്ട് കമന്റ് ചെയ്തിരിക്കുന്നത്. അടുത്തിടെയാണ് താരം ഓസ്ട്രേലിയയിലേക്ക് യാത്ര പോയത്. ഇവിടെ നിന്നുള്ള ചിത്രങ്ങളും വിഡിയോകളുമെല്ലാം വൈറലായിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
