'പുലയന്‍ തമ്പുരാനാകുന്ന കഥ'; മമ്മൂക്കയോട് അച്ഛന്‍ കഥ പറഞ്ഞു, പക്ഷെ അദ്ദേഹം ഭയന്ന് പിന്മാറി: ഷമ്മി തിലകന്‍

മമ്മൂക്കയ്ക്ക് ഭയങ്കര ഭയമുണ്ടായിരുന്നു. അതുകൊണ്ടാണ് അച്ഛനത് ഡ്രോപ്പ് ചെയ്തത്
Shammi Thilakan, Mammootty
Shammi Thilakan, Mammoottyഫെയ്സ്ബുക്ക്
Updated on
1 min read

മമ്മൂട്ടിയെ നായകനാക്കി സിനിമ സംവിധാനം ചെയ്യാന്‍ തിലകന്‍ ആഗ്രഹിച്ചിരുന്നുവെന്ന് ഷമ്മി തിലകന്‍. ജോസ് പെല്ലിശ്ശേരി ചാലക്കുടി സാരഥിയ്ക്ക് വേണ്ടി സംവിധാനം ചെയ്ത നാടകമാണ് അച്ഛന്‍ സിനിമയാക്കാന്‍ ആഗ്രഹിച്ചിരുന്നതെന്നാണ് ഷമ്മി പറയുന്നത്. കഥ മമ്മൂട്ടിയോട് പറഞ്ഞിരുന്നു. എന്നാല്‍ അദ്ദേഹം ഭയന്നു പിന്മാറിയെന്നാണ് ഷമ്മി പറയുന്നത്.

Shammi Thilakan, Mammootty
'തന്റേടമില്ലാത്തവര്‍ സിനിമ എടുക്കരുത്; ആദിവാസികളെ വച്ച് കാശുണ്ടാക്കുന്നു'; 'നരിവേട്ട'യ്‌ക്കെതിരെ സികെ ജാനു

ക്യു സ്റ്റുഡിയോയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു ഷമ്മി തിലകന്‍. ''അച്ഛന് സിനിമ സംവിധാനം ചെയ്യണം എന്നുണ്ടായിരുന്നു. അച്ഛന്റെ നടക്കാതെ പോയ ആഗ്രഹം അത് മാത്രമാണ്. സോക്രട്ടീസ് എന്നൊരു നാടകം സിനിമയാക്കണമെന്നും അത് സംവിധാനം ചെയ്യണമെന്നും അഭിനയിക്കണം എന്നുമുണ്ടായിരുന്നു. അതുപോലെ മമ്മൂക്കയെ വച്ച് വേറൊരു സിനിമ ചെയ്യാന്‍ അച്ഛന് അതിയായ ആഗ്രഹമുണ്ടായിരുന്നു. കൈനകരി തങ്കരാജ് അഭിനയിച്ച ഒരു നാടകമുണ്ടായിരുന്നു. പുലയന്‍ തമ്പുരാനാകുന്ന കഥയാണത്.'' എന്നാണ് ഷമ്മി തിലകന്‍ പറയുന്നത്.

Shammi Thilakan, Mammootty
'മമ്മൂക്കയുമായി വർക്ക് ചെയ്യാൻ എളുപ്പമാണ്; പൊതുവേദിയിൽ സംസാരിക്കാൻ അറിയാത്തതിന്റെ കുറേ പ്രശ്നങ്ങളുണ്ട് എനിക്ക്'

''മമ്മൂക്കയോട് പറഞ്ഞിരുന്നു. മമ്മൂക്ക പക്ഷെ പേടിച്ച് അയ്യോ ഞാന്‍ ചെയ്യില്ലെന്ന് പറഞ്ഞു. കാരണം നാടകത്തില്‍ അത് വളരെ ഹിറ്റായിട്ടുള്ള കഥാപാത്രമാണ്. നാടക സിനിമയാക്കിയപ്പോള്‍ സിനിമ പൊളിഞ്ഞിട്ടേയുള്ളൂ. അതിന് വിരുദ്ധമായിട്ടുള്ളത് കാട്ടുകുതിരയാണ്. അത് അച്ഛന് ദേശീയ അവാര്‍ഡ് വരെ കിട്ടിയ സിനിമയുമാണ്. അങ്ങനൊരു അവസ്ഥയില്‍ മമ്മൂക്കയ്ക്ക് ഭയങ്കര ഭയമുണ്ടായിരുന്നു. അതുകൊണ്ടാണ് അച്ഛനത് ഡ്രോപ്പ് ചെയ്തത്. അച്ഛന് ആ കഥ മമ്മൂട്ടിയെ വച്ച് ചെയ്യണമെന്ന് ഭയങ്കര ആഗ്രഹമുണ്ടായിരുന്നു. ആ കഥ എന്നോട് പല പ്രാവശ്യം പറഞ്ഞിട്ടുണ്ട്. സിനിമയില്‍ അങ്ങനെയാക്കണം എന്നൊക്കെ പറഞ്ഞിരുന്നു'' ഷമ്മി തിലകന്‍ പറയുന്നു.

അതേസമയം വിലായത്ത് ബുദ്ധയാണ് ഷമ്മി തിലകന്റെ ഏറ്റവും പുതിയ സിനിമ. പൃഥ്വിരാജ് നായകനാകുന്ന ചിത്രത്തിലെ ഷമ്മി തിലകന്റെ പ്രകടനം കയ്യടി നേടുകയാണ്. ജിആര്‍ ഇന്ദുഗോപന്റെ രചനയില്‍ ജയന്‍ നമ്പ്യാരാണ് സിനിമയുടെ സംവിധാനം. പ്രിയംവദ കൃഷ്ണന്‍, സുരാജ് വെഞ്ഞാറമൂട് തുടങ്ങിയവരാണ് ചിത്രത്തില്‍ പ്രധാന വേഷങ്ങളിലെത്തിയത്. ഇന്ദുഗോപന്റെ പ്രശസ്ത നോവലിന്റെ ചലച്ചിത്രാവിഷ്‌കാരമായിരുന്നു സിനിമ.

Summary

Shammi Thilakan about Thilakan's dream to direct Mammootty. But the actor refused as he was scared to play the character.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com