'ജാമു, ഐ ലവ് യൂ': ഭാര്യയ്ക്ക് പിറന്നാൾ ആശംസകളുമായി സൗബിൻ

ഒരുപിടി മികച്ച കഥാപാത്രങ്ങളിലൂടെ മലയാളി പ്രേക്ഷകരുടെ മനം കവർന്ന നടനാണ് സൗബിൻ ഷാഹിർ. സോഷ്യൽ മീഡിയയിലൂടെ താരം തന്റെ കുടുംബത്തിന്റേയും സിനിമയുടേയുമെല്ലാം വിശേഷങ്ങൾ പങ്കുവെക്കാറുണ്ട്. ഇപ്പോൾ ശ്രദ്ധനേടുന്നത് ഭാര്യ ജാമിയയ്ക്ക് പിറന്നാൾ ആശംസകൾ അറിയിച്ചുകൊണ്ട് സൗബിൻ പങ്കുവച്ച പോസ്റ്റാണ്. 

‘‘പിറന്നാൾ ആശംസകൾ ജാമു...ഐ ലവ് യു’’ എന്ന അടിക്കുറിപ്പിലാണ് സൗബിൻ ആശംസകൾ കുറിച്ചത്. ജാമിയയുമായുള്ള മനോഹര ചിത്രങ്ങൾ ഉൾപ്പെടുത്തിക്കൊണ്ടാണ് പോസ്റ്റ്. താരങ്ങൾ ഉൾപ്പടെ നിരവധി പേരാണ് ജാമിയയ്ക്ക് പിറന്നാൾ ആശംസിച്ചിരിക്കുന്നത്. കൃഷ്ണ പ്രഭ, കേതകി നാരായൺ, സുധി കോപ്പ, സഞ്ജു ശിവറാം തുടങ്ങി നിരവധി താരങ്ങളും ജാമിയയ്ക്കു പിറന്നാൾ ആശംസിച്ച് കമന്റ് ചെയ്തു. മഞ്ജു വാര്യർ ഫെയ്സ്ബുക്ക് സ്റ്റോറിയിലൂടെയാണ് ജാമിയയ്ക്ക് പിറന്നാൾ ആശംസകൾ അറിയിച്ചത്. 

2017 ഡിസംബര്‍ 16നായിരുന്നു സൗബിനും ജാമിയയും വിവാഹിതരായത്. 2019 മെയ് മാസത്തിലാണ് ഇരുവര്‍ക്കും ഒരു ആണ്‍കുഞ്ഞ് പിറന്നത്. ഒര്‍ഹാന്‍ എന്നാണ് സൗബിന്‍റെ മകന്‍റെ പേര്. 

ഈ വാര്‍ത്ത കൂടി വായിക്കൂ 

'അപ്പൻ ഈ ലോകത്തില്ല എന്ന് പറയുമ്പോൾ ഇന്നും പലരും ഞെട്ടും'; ജയിംസ് ചാക്കോയെക്കുറിച്ച് മകൻ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ