നടിയും നർത്തകിയുമായ താര കല്യാണും അമ്മ സുബലക്ഷ്മിയും മകൾ സൗഭാഗ്യയുമൊക്കെ മലയാളികൾക്ക് ഏറെ പ്രിയങ്കരരാണ്. മൂവരും ഒന്നിച്ചുള്ള വിഡിയോകൾക്ക് ഏറെ ആരാധകരുമുണ്ട്. എന്നാലിപ്പോൾ അത്ര സന്തോഷമില്ലാത്ത ഒരു ദിവസത്തെക്കുറിച്ചാണ് സൗഭാഗ്യ പങ്കുവച്ചത്. ഇതും കടന്നുപോകും എന്ന തലക്കെട്ടോടെ യുട്യൂബ് ചാനലിൽ പങ്കുവച്ച വിഡിയോയിൽ അമ്മയ്ക്കൊപ്പം ആശുപത്രിയിൽ പോയതിനെക്കുറിച്ചാണ് വിവരിച്ചിരിക്കുന്നത്.
പതിവ് ദിനചര്യകളിൽ നിന്ന് വേറിട്ടുള്ള ദിവസമാണിതെന്ന് പറഞ്ഞാണ് സൗഭാഗ്യ വിഡിയോ തുടങ്ങിയത്. ജീവിതത്തിലെ മോശം അവസ്ഥയിലൂടെയാണ് കടന്നുപോകുന്നതെന്നും അമ്മയുടെ ചികിത്സയ്ക്കായി ആശുപത്രിയിൽ പോകേണ്ടതുണ്ടെന്നും സൗഭാഗ്യ പറഞ്ഞു. തുടർന്ന് ആശുപത്രിയിലെത്തുന്നതും അമ്മയെ ചികിത്സയ്ക്കു വിധേയയാകുന്നതുമൊക്കെയാണ് വിഡിയോയുടെ ഉള്ളടക്കം. തൊണ്ടയ്ക്കുള്ള ഒരു ശസ്ത്രക്രിയയുടെ ഭാഗമായാണ് ആശുപത്രിയിൽ എത്തിയത്. ഇതേക്കുറിച്ച് വിശദമായി മറ്റൊരു വിഡിയോയിൽ സംസാരിക്കാമെന്നും സൗഭാഗ്യ പറഞ്ഞു.
അമ്മ വേഗം സുഖമാകട്ടെയെന്ന് ആശംസിച്ച് നിരവധി പേരാണ് വിഡിയോയിൽ കമന്റ് കുറിച്ചിരിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
