'ഹൈക്കോടതി വിധിക്ക് വേണ്ടി കാത്തിരിക്കുന്ന വിഷയം'; പാർവതിക്കും അനുപമക്കും ഒപ്പം സുരേഷ് ​ഗോപിയും 

നടിമാരായ പാർവതി തിരുവോത്ത്, അനുപമ പരമേശ്വരൻ എന്നിവർ കേന്ദ്ര കഥാപാത്രങ്ങളാകുന്ന ചിത്രത്തിൽ നടൻ സുരേഷ് ​ഗോപിയും പ്രധാന വേഷത്തിലെത്തുന്നു. കാലിക പ്രസക്തിയുള്ള വിഷയം സംസാരിക്കുന്ന സിനിമയാണ് ഇതെന്ന് സുരേഷ് ​ഗോപി പറഞ്ഞു. 

'പാർവതി തിരുവോത്തും അനുപമ പരമേശ്വരനും കേന്ദ്ര കഥാപാത്രങ്ങളായ ഒരു സിനിമയിൽ ഞാനും ഭാഗമാണ്. അവർ രണ്ട് പേരും ത്രിൽഡാണെന്നാണ് ഞാൻ അറിയുന്നത്. കാലിക പ്രസക്തിയുള്ള, ഇന്ന് ഹൈക്കോടതിയുടെ വിധിക്ക് വേണ്ടി കാത്തിരിക്കുന്ന ഒരു വിഷയമുണ്ട്. യഥാർത്ഥ സംഭവം ഉണ്ടാകുന്നതിന് മുമ്പ് എഴുതിയ കഥയാണിത് എന്നതാണ് ഏറ്റവും വിചിത്രമായ കാര്യം', സുരേഷ് ഗോപി പറഞ്ഞു. പുതിയ ചിത്രമായ പാപ്പന്റെ റിലീസിനോട് അനുബന്ധിച്ച് നടത്തിയ വാർത്ത സമ്മേളനത്തിൽ സുരേഷ് ഗോപി തന്നെയാണ് ഇക്കാര്യം പറഞ്ഞത്. 

ഈ വാര്‍ത്ത കൂടി വായിക്കാം സൂര്യയുടെ പിറന്നാൾ; ബലൂണും പോസ്റ്ററും കെട്ടി ബസ്, 'വടക്കുംനാഥനെ' കയ്യോടെ പിടികൂടി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ