മാണിക്യനും കാർത്തുമ്പിയും വരുന്നു; 'തേന്മാവിൻ കൊമ്പത്ത്' റീ റിലീസ് തീയതി പുറത്ത്

മലയാളികളുടെ എക്കാലത്തെയും മികച്ച സിനിമകളിലൊന്നാണ് 'തേന്മാവിൻ കൊമ്പത്ത്'. മോഹൻലാൽ- ശോഭന കോമ്പിനേഷനിൽ എത്തിയ ഈ സിനിമ പ്രിയപ്പെട്ടതാകാൻ പലർക്കും പല കാരണങ്ങളുമുണ്ടാകും. അതുകൊണ്ട് തന്നെ ചിത്രത്തിന്റെ റീ റിലീസ് വാർത്തകൾ ഇരുകയ്യും നീട്ടിയാണ് പ്രേക്ഷകർ സ്വീകരിച്ചത്.

പ്രിയദർശൻ സംവിധാനം ചെയ്ത് 1994 ൽ പുറത്തിറങ്ങിയ ചിത്രം ഒക്ടോബർ ഒന്നിനാണ് റീ റിലീസിനെത്തുന്നത്. 4K ദൃശ്യ മികവോടെയാണ് ചിത്രം വീണ്ടും പ്രേക്ഷകരിലേക്കെത്തുന്നത്. മാറ്റിനി നൗ ആണ് ചിത്രം റീമാസ്റ്റർ ചെയ്ത് വീണ്ടും തിയറ്ററുകളിലെത്തിക്കുന്നത്.

മോഹൻലാൽ, ശോഭന നെടുമുടി വേണു, ശ്രീനിവാസൻ, പപ്പു എന്നിവർക്കു പുറമേ ശങ്കരാടി, ശരത് സക്സേന, കവിയൂർ പൊന്നമ്മ, കെപിഎസി ലളിത, ഗീത വിജയൻ, നന്ദു, കെ ആർ വത്സല, ഖദീജ എന്നിവരും പ്രധാന താരങ്ങളാണ്.

ബേണി- ഇഗ്നേഷ്യസ്സാണ് ചിത്രത്തിന് സം​ഗീതമൊരുക്കിയിരിക്കുന്നത്. ഗിരീഷ് പുത്തഞ്ചേരിയുടേതാണ് ഗാനങ്ങൾ. എം ജി ശ്രീകുമാർ, കെ എസ് ചിത്ര, സുജാത എന്നിവരാണു ഗായകർ. ഛായാഗ്രഹണം- കെവി ആനന്ദ്. എഡിറ്റിംഗ് - എൻ ഗോപാലകൃഷ്ണൻ. ആർട്ട്- സാബു സിറിൾ. പ്രൊഡക്‌ഷൻ കൺട്രോളർ- സച്ചിദാനന്ദൻ. വാഴൂർ ജോസ്.