'രാജാവ് സിംഹാസനം ഏറ്റെടുക്കാനുള്ള യാത്രയിലാണ്'; 22ന് വീടുകളിൽ ശ്രീരാമജ്യോതി തെളിയിക്കണമെന്ന് ഉണ്ണി മുകുന്ദൻ

അയോധ്യ രാമക്ഷേത്ര പ്രതിഷ്ഠാദിനത്തിൽ വീടുകളിലും പരിസരങ്ങളും ശ്രീരാമജ്യോതി തെളിയിക്കണമെന്ന് നടൻ ഉണ്ണി മുകുന്ദൻ. ശ്രീരാമന്റെ വരവ് പ്രമാണിച്ച് ഈ വർഷം ദീപാവലി ജനുവരിയിൽ വരുന്നതിന് തുല്യമാണ് എന്നാണ് താരം പറഞ്ഞത്. ഫെയ്സ്ബുക്ക് പോസ്റ്റിലൂടെയായിരുന്നു താരത്തിന്റെ നിർദേശം

ജനുവരി 22-ന് നിങ്ങളുടെ വീടുകളിലും പരിസരങ്ങളിലും ശ്രീരാമജ്യോതി തെളിയിക്കുക. ശ്രീരാമന്റെ വരവ് പ്രമാണിച്ച് ഈ വർഷം ദീപാവലി ജനുവരിയിൽ വരുന്നതിന് തുല്യം! രാജാവ് സിംഹാസനം ഏറ്റെടുക്കാനുള്ള യാത്രയിലാണ്.  ജയ്ശ്രീറാം- ഉണ്ണി മുകുന്ദൻ കുറിച്ചു. 

കഴിഞ്ഞ ദിവസം ​ഗായിക കെഎസ് ചിത്രയും സമാന ആവശ്യവുമായി എത്തിയിരുന്നു. അയോധ്യ പ്രതിഷ്ഠാദിനത്തിൽ വിളക്കു തെളിയിക്കണമെന്നും പ്രാർത്ഥിക്കണം എന്നുമാണ് ചിത്ര പറഞ്ഞത്.  ഇതിനു പിന്നാലെ ചിത്രയെ വിമർശിച്ചുകൊണ്ടും നിരവധി പേർ എത്തിയിരുന്നു. വിമർശനം രൂക്ഷമായതോടെ ​ഗായികയെ പിന്തുണച്ചുകൊണ്ട് പ്രമുഖർ ഉൾപ്പടെയുള്ളവരും രം​ഗത്തെത്തി. മലയാള സിനിമയിൽ നിന്നുള്ള നിരവധി പ്രമുഖരാണ് രാമക്ഷേത്രത്തിൽ നിന്നുള്ള അക്ഷതം സ്വീകരിച്ചത്. 

ഈ വാര്‍ത്ത കൂടി വായിക്കൂ

തിയറ്റര്‍ വിറയ്ക്കുമോ എന്ന് എനിക്ക് പറയാന്‍ പറ്റില്ല, കുഴപ്പമില്ല എന്ന് തോന്നുന്നു: വാലിബനെക്കുറിച്ച് മോഹന്‍ലാല്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ