നിരവധി ആരാധകരുള്ള ബോളിവുഡ് താരമാണ് വരുണ്‍ ധവാന്‍. ആരാധകരോടുള്ള താരത്തിന്റെ പെരുമാറ്റം പലപ്പോഴും ശ്രദ്ധ നേടാറുണ്ട്. ഇപ്പോള്‍ വൈറലാവുന്നത് ആരാധികയ്‌ക്കൊപ്പമുള്ള താരത്തിന്റെ വിഡിയോ ആണ്. തന്റെ കടയില്‍ വന്നാല്‍ സൗജന്യമായി സ്വര്‍ണം നല്‍കാം എന്ന് ഒരു ആരാധിക പറഞ്ഞപ്പോള്‍ വരുണ്‍ നല്‍കിയ മറുപടിയാണ് കയ്യടി നേടുന്നത്.
താരത്തിനെ കണ്ട ആരാധിക ഫോട്ടോ എടുക്കാനായി അടുത്തേക്ക് വന്നു. പോകാനായി കാറില്‍ കയറുന്ന സമയത്താണ് തന്റെ സ്വര്‍ണ കടയിലേക്ക് ഇവര്‍ താരത്തെ ക്ഷണിക്കുന്നത്. ഉറപ്പായും വരും എന്ന് താരം മറുപടി നല്‍കി. അതോടെയാണ് കടയിലേക്ക് വന്നാല്‍ സൗജന്യമായി സ്വര്‍ണാഭരണങ്ങള്‍ നല്‍കാം എന്ന് ആരാധിക പറഞ്ഞത്. ഇത് കേട്ടതോടെ ഫ്രീയായി സ്വര്‍ണം കൊടുക്കരുത് എന്ന് താരം പറഞ്ഞു. പണിക്കൂലി ഈടാക്കില്ല എന്നാണ് താന്‍ ഉദ്ദേശിച്ചത് എന്ന് അവര്‍ വ്യക്തമാക്കി.
ഈ വിഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. നിരവധി പേരാണ് താരത്തിന്റെ പ്രതികരണത്തെ പ്രശംസിച്ചുകൊണ്ട് രംഗത്തെത്തുന്നത്. എത്ര വിനയമുള്ള ആളാണ് വരുണ്‍ ധവാന്‍ എന്നാണ് ആരാധകരുടെ കമന്റ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
