പൂജയോടെ തുടക്കം; വിടാമുയർച്ചി അപ്ഡേറ്റുമായി നിർമാതാക്കൾ

സിനിമാ പ്രേക്ഷകർ ഒന്നടങ്കം ആവേശത്തോടെ കാത്തിരിക്കുന്ന ചിത്രമാണ് അജിത്തിന്റെ വിടാമുയർച്ചി. ഏറെ നാളുകളായി അണിയറയിൽ ഒരുങ്ങുന്ന സിനിമയുടെ അപ്ഡേറ്റ് പുറത്തുവന്നിരിക്കുകയാണ് ഇപ്പോൾ. വിടാമുയർച്ചിയുടെ ഡബ്ബിങ് സെഷൻസ് ആരംഭിച്ചതായാണ് നിർമ്മാതാക്കളായ ലൈക്ക പ്രൊഡക്ഷൻസ് അറിയിച്ചിരിക്കുന്നത്.

പൂജാ ചടങ്ങുകളോടെയാണ് ഡബ്ബിങ് വർക്കുകൾ തുടങ്ങിയത്. ഇതിന്റെ ചിത്രങ്ങളും സമൂഹ മാധ്യമങ്ങളിൽ പങ്കുവെച്ചിട്ടുണ്ട്. മങ്കാത്ത എന്ന ബ്ലോക്ക്ബസ്റ്റർ ചിത്രത്തിന് ശേഷം, അജിത്- അർജുൻ- തൃഷ കൂട്ടുകെട്ട് വീണ്ടും വെള്ളിത്തിരയിൽ ഒന്നിക്കുന്നു എന്നതാണ് വിടാമുയർച്ചിയുടെ ഏറ്റവും വലിയ ഹൈലൈറ്റ്.

'സംഗീതത്തെ നിരുത്സാഹപ്പെടുത്തുന്ന ആള്‍ വേണ്ട, ഇനിയങ്ങോട്ട് സംഗീതം മതി': വൈക്കം വിജയലക്ഷ്മി-വിഡിയോ

മഗിഴ് തിരുമേനി ആണ് ചിത്രം സംവിധാനം ചെയ്യുന്നത്. അനിരുദ്ധ് രവിചന്ദറാണ് സംഗീതം. കാമറ ചലിപ്പിക്കുന്നത് ഓംപ്രകാശും എഡിറ്റിങ് നിർവഹിക്കുന്നത് എൻ ബി ശ്രീകാന്തുമാണ്. ചിത്രത്തിന്റേതായി ഇതുവരെ പുറത്തുവന്ന അപ്ഡേറ്റുകൾക്കെല്ലാം വൻ സ്വീകാര്യതയാണ് ലഭിക്കുന്നതും.