ഹൂല ഹൂപ്പിൽ തകർപ്പൻ പ്രകടനവുമായി അഹാന; കോവിഡിനെ തോൽപ്പിച്ചത് ആഘോഷമാക്കി താരം, വിഡിയോ 

പാട്ടും ഡാൻസുമൊക്കെയായി സമൂഹമാധ്യമങ്ങളിൽ നിറഞ്ഞുനിൽക്കുന്ന നടിയാണ് അഹാന കൃഷ്ണ. കോവിഡിനെ തോൽപ്പിച്ച് മടങ്ങിയെത്തിയതിന് പിന്നാലെ വീണ്ടും ആരാധകരെ രസിപ്പിച്ച് എത്തിയിരിക്കുകയാണ് താരം. ഇക്കുറി ഹൂല ഹൂപ്പുമായാണ് അഹാനയുടെ പ്രകടനം. 

അമ്മ സിന്ധു കൃഷ്ണയാണ് അഹാനയുടെ ഡാൻസ് വിഡിയോ കാമറയിൽ പകർത്തിയിരിക്കുന്നത്. എത്ര തവണ റീടേക്ക് വേണ്ടിവന്നാലും യാതൊരു തടസ്സവും പറയാതെ കൂടെ നിൽക്കുന്ന ഒരേയൊരു ആൾ ആണ് അമ്മ എന്ന് ഡാൻസ് വിഡിയോ പങ്കുവച്ച് അഹാന ഇൻസ്റ്റ​ഗ്രാമിൽ കുറിച്ചു. വീട്ടിലെ സ്വീകരണ മുറിയിൽ വച്ചാണ് താരത്തിന്റെ പ്രകടനം. 

സിനിമാ ഷൂട്ടിങ്ങ് ആരംഭിക്കുന്നതിന് മുന്നോടിയായി നടത്തിയ പരിശോധനയിലാണ് അഹാനയ്ക്ക് കോവിഡ് സ്ഥിരീകരിച്ചത്. ഇതേത്തുടർന്ന് രണ്ടാഴ്ചയിലേറെ ക്വാറന്റീനിലായിരുന്നു താരം. ക്വാറന്റീൻ കാലത്തെ വിശേഷങ്ങൾ പങ്കുവച്ച് അഹാന പുറത്തുവിട്ട വിഡിയോയും ഏറെ ശ്രദ്ധനേടിയിരുന്നു. ദുൽഖർ സൽമാന്റെ നിർമ്മാണ കമ്പനിയായ വേഫെയ്റർ ഫിലംസിന്റെ ഏറ്റവും പുതിയ ചിത്രമായ ‘അടി’യിൽ ആണ് അഹാന അവസാനമായി അഭിനയിച്ചത്.