'ധ്യാനിന്റെ അഭിമുഖങ്ങൾ കാണാറില്ല, അവന്റെ ചില വാക്കുകൾ എന്നെ സങ്കടപ്പെടുത്തും': വിമല ശ്രീനിവാസൻ

മകൻ ധ്യാൻ ശ്രീനിവാസന്റെ ചില അഭിമുഖങ്ങൾ കാണുമ്പോൾ സങ്കടം ഉണ്ടാകാറുണ്ടെന്ന് വിമല ശ്രീനിവാസൻ. 'അവൻ പറയുന്നതെല്ലാം കാണുന്നവർ തമാശ ആണെങ്കിലും എനിക്ക് ചിലത് ദുഃഖമുണ്ടാക്കും. അതുകൊണ്ട് അവന്റെ അഭിമുഖങ്ങൾ ഞാൻ കാണാറില്ല' മൂവി വേൾഡ് മീഡിയയ്‌ക്ക് നൽകിയ അഭിമുഖത്തിൽ സംസാരിക്കുകയായിരുന്നു വിമല.

ചെറുപ്പത്തിൽ വിനീതിനെക്കാൾ പഠിക്കാൻ മിടുക്കൻ ധ്യാൻ ആയിരുന്നു. പഠന മികവിന് അച്ഛൻ തന്നെ ഒരിക്കൽ അവന് സമ്മാനം നൽകിയിരുന്ന ഒരു ഫോട്ടോയുണ്ട്. അന്ന് വിനീതിന് മാപ്പിള പാട്ടിന് സ്കൂൾ യൂത്ത്ഫെസ്റ്റിവലിൽ സമ്മാനം ലഭിച്ചിരുന്നു. രണ്ട് പേർക്കും അച്ഛൻ തന്നെയാണ് സമ്മാനം നൽകിയത്. 

ശ്രീനിവാസൻ ചേട്ടൻ ആശുപത്രിയിൽ കിടക്കുമ്പോൾ പൊറോട്ട വേണമെന്ന് ഞാൻ ആവശ്യപ്പെട്ടു എന്ന് അവൻ പറയുന്നത് തമാശ ആയാണ്. 
പൊറോട്ട പണ്ടേ വീട്ടിൽ കയറ്റാറില്ല.  മൈദ കൊണ്ടു ഉണ്ടാക്കുന്നതായതു കൊണ്ട് ഒന്നു കഴിച്ചാൽ അഞ്ച് ​ഗ്ലാസ് വെള്ളം കുടിക്കണം. പുറത്ത് പോയാൽ ഒരെണ്ണം കഴിച്ചാലായി. ചിലപ്പോൾ ധ്യാൻ അമ്മയ്‌ക്ക് എന്താ വേണ്ടതെന്ന് ചോദിച്ചപ്പോൾ ഒരു പൊറോട്ട എന്നു പറഞ്ഞു കാണും അതിനാണ് അവൻ ഇങ്ങനെ പറഞ്ഞത്. 

ഈ വാര്‍ത്ത കൂടി വായിക്കൂ 

'ഇന്നല്ലെങ്കിൽ നാളെ സൽമാനെ കൊല്ലും'; എൻഐഎയോട് വെളിപ്പെടുത്തി ലോറൻസ് ബിഷ്‌ണോയി

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ