മോഹന്‍ലാലിന്റെ മകള്‍ക്ക് സ്‌റ്റേജ് ഫിയര്‍ ഉണ്ടാകരുതെന്നുണ്ടോ? ചുമ്മാ ചിരിച്ചതും ഇളകിയാടിയതും പരിഭ്രമം പുറത്ത് കാണാതിരിക്കാന്‍: വിസ്മയ

കയ്യടി നേടാന്‍ പാകത്തിലുള്ള ഡയലോഗുകളൊന്നും കരുതിയിരുന്നില്ല
Vismaya Mohanlal
Vismaya Mohanlal
Updated on: 
1 min read

മിന്നും തുടക്കമാണ് വിസ്മയ മോഹന്‍ലാലിന്റേത്. ഓണ്‍ സ്‌ക്രീനിലെ പ്രകടനത്തിലൂടേയും ഓഫ് സക്രീനിലെ വ്യക്തിത്വത്തിലൂടേയും തന്നെ അടയാളപ്പെടുത്തിയാണ് വിസ്മയ കരിയര്‍ ആരംഭിക്കുന്നത്. അതേസമയം തന്നെ കടുത്ത വിമര്‍ശനങ്ങളും ട്രോളുകളും നേരിടേണ്ടി വന്നു. തുടക്കത്തിന്റെ ട്രെയിലര്‍ ലോഞ്ച് മുതല്‍ തന്റെ ശരീരഭാഷയുടേയും മലയാളത്തിന്റേയും പേരില്‍ വിസ്മയ ട്രോളുകള്‍ നേരിട്ടിരുന്നു.

സോഷ്യല്‍ മീഡിയയിലെ ട്രോളുകളോടും വിമര്‍ശനങ്ങളോടും പ്രതികരിക്കുകയാണ് വിസ്മയ മോഹന്‍ലാല്‍. ഗൃഹലക്ഷ്മിയ്ക്ക് നല്‍കിയ അഭിമുഖത്തിലാണ് വിസ്മയയുടെ പ്രതികരണം. ഉള്ളിലെ പേടിയും ചങ്കിടിപ്പും പുറത്തു കാണിക്കാതിരിക്കാന്‍ നന്നേ പാടുപെട്ടു. ചുമ്മാ ചിരിച്ചും ഇളകിയാടിയും പരിഭ്രമം പുറത്തു കാണിക്കാതിരിക്കാന്‍ ശ്രമിക്കുകയായിരുന്നു. പക്ഷെ എവിടെയോ ചെറുതായൊന്ന് പളിപ്പോയെന്നാണ് വിസ്മയ പറയുന്നത്. ആ വാക്കുകളിലേക്ക്:

''നായികയായുള്ള അരങ്ങേറ്റം, ആദ്യ സിനിമയുടെ എക്‌സൈറ്റ്‌മെന്റ്, ട്രെയ്‌ലര്‍ ലോഞ്ച്, പ്രസ് മീറ്റ്, നീട്ടിപ്പിടിച്ച മൈക്കുകള്‍, മിന്നിച്ചിരിക്കുന്ന കാമറക്കണ്ണുകള്‍ എല്ലാം പുതിയ അനുഭവങ്ങളായിരുന്നു. വിസ്മയത്തോടെ ഞാനവയെല്ലാം നോക്കിക്കണ്ടു.

ഉള്ളിലെ പേടിയും ചങ്കിടിപ്പും പുറത്തു കാണിക്കാതിരിക്കാന്‍ നന്നേ പാടുപെട്ടു. ചുമ്മാ ചിരിച്ചും ഇളകിയാടിയും പരിഭ്രമം പുറത്തു കാണിക്കാതിരിക്കാന്‍ ശ്രമിക്കുകയായിരുന്നു. പക്ഷെ എവിടെയോ ചെറുതായൊന്ന് പളിപ്പോയി. സോഷ്യല്‍ മീഡിയ എന്നെ ട്രോളി. നിങ്ങള്‍ പലരും പ്രതീക്ഷിച്ചൊരു പെരുമാറ്റമല്ല എന്നില്‍ നിന്നുണ്ടായതെന്ന് ഞാന്‍ മനസിലാക്കുന്നു. എന്നാല്‍ മുന്‍കൂട്ടി എഴുതി തയ്യാറാക്കിയ തിരക്കഥയുടെ ബലത്തിലായിരുന്നില്ല സ്റ്റജിലേക്ക് കയറിയത്. കയ്യടി നേടാന്‍ പാകത്തിലുള്ള ഡയലോഗുകളൊന്നും കരുതിയിരുന്നില്ല,.

ആള്‍ക്കൂട്ടത്തെ ആദ്യമായി അഭിമുഖീകരിച്ച് മലയാളത്തില്‍ സംസാരിക്കേണ്ടി വന്നപ്പോള്‍ ചോദ്യങ്ങള്‍ക്ക് പെട്ടെന്നുപെട്ടെന്ന് ഉത്തരം പറയേണ്ടി വന്നപ്പോള്‍ ശബ്ദമിടറിപ്പോയി. ഞാനാകെ നെര്‍വസായി. ഇതൊന്നും മുന്‍പരിചയമില്ലാത്ത കാര്യങ്ങളായിരുന്നു. സിനിമയുടെ പ്രൊമോഷന്‍ സ്‌റ്റേജുകള്‍ ഒഴിവാക്കാന്‍ പറ്റുമായിരുന്നു. എന്നിട്ടും ഒരു കൈ നോക്കാമെന്ന് കരുതി.

സ്‌കൂള്‍ അസംബ്ലിയിലേക്കോ സ്‌റ്റേജിലേക്കോ ആള്‍ക്കൂട്ടത്തിന് മുന്നിലേക്കോ സംസാരിക്കാനായി വിളിക്കുമ്പോള്‍ നമ്മളില്‍ പലര്‍ക്കും ചങ്കിടിപ്പുണ്ടാകാറില്ലേ. അത്തരമൊരു അവസരത്തില്‍ വാക്കുകള്‍ വിറച്ചു പോയിട്ടില്ലേ. ഇതെന്റെ തുടക്കമല്ലേ. മോഹന്‍ലാലിന്റെ മകള്‍ക്ക് സ്‌റ്റേജ് ഫിയര്‍ ഉണ്ടാകരുതെന്നുണ്ടോ?

Summary

Vismaya Mohanlal reacts to social media trolls for her body language and way of talk during thudakkam trailer launch.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

David Warner, Usman Khawaja
V D Satheesan
SS Rajamouli, Prithviraj
Vismaya Mohanlal
X

FOLLOW US

ON GOOGLE DISCOVER