'കശ്മീർ ഫയൽസി'ന് പിന്നാലെ 'ദ ഡൽഹി ഫയൽസ്'; ജോലി തുടങ്ങേണ്ട സമയമായെന്ന് വിവേക് അഗ്നിഹോത്രി

പുതിയൊരു സിനിമയുടെ ജോലി തുടങ്ങേണ്ട സമയമായി എന്ന് കുറിച്ചാണ് അദ്ദേഹം ഇക്കാര്യം അറിയിച്ചത്

വിവേക് അഗ്നിഹോത്രി/ചിത്രം: ഇൻസ്റ്റഗ്രാം

Updated on:

15 Apr 2022, 1:33 pm

1 min read

ഏറെ ചർച്ചകൾക്ക് വഴിതുറന്ന ദ കശ്മീർ ഫയൽസ് എന്ന ചിത്രത്തിന് ശേഷം പുതിയ സിനിമയുമായി വീണ്ടും സംവിധായകൻ വിവേക് അഗ്നിഹോത്രി. ദ ഡൽഹി ഫയൽസ് എന്നായിരിക്കും ചിത്രത്തിന്റെ പേരെന്ന് അദ്ദേഹം അറിയിച്ചു. പുതിയൊരു സിനിമയുടെ ജോലി തുടങ്ങേണ്ട സമയമായി എന്ന് കുറിച്ച് ഇൻസ്റ്റഗ്രാമിലൂടെയാണ് അദ്ദേഹം ഇക്കാര്യം അറിയിച്ചത്.

"കശ്മീർ ഫയൽസിനെ സ്വീകരിച്ച എല്ലാവരോടും നന്ദി. കഴിഞ്ഞ നാലുവർഷമായി അങ്ങേയറ്റം സത്യസന്ധതയോടെയും ആത്മാർത്ഥമായും പ്രവർത്തിച്ചു. കശ്മീരിലെ ഹിന്ദു വിഭാഗത്തോട് ചെയ്ത അനീതിയും അവർക്കെതിരെ നടന്ന വംശഹത്യയും എന്താണെന്ന് പൊതുജനം അറിയണമായിരുന്നു. പുതിയൊരു സിനിമയുടെ ജോലി തുടങ്ങേണ്ട സമയമായി"., എന്ന് കുറിച്ച് ദി ഡൽഹി ഫയൽസ് എന്ന് ഹാഷ്ടാഗ് ചെയ്തിരിക്കുകയാണ് വിവേക് അഗ്നിഹോത്രി.

കശ്മീരി പണ്ഡിറ്റുകളുടെ കൂട്ടപ്പലായനത്തെക്കുറിച്ച് പറഞ്ഞ ദ കശ്മീർ ഫയൽസ് മാർച്ച് 11നാണ് റിലീസ് ചെയ്തത്. അനുപം ഖേർ, മിഥുൻ ചക്രബർത്തി, ദർശൻ കുമാർ, പല്ലവി ജോഷി എന്നിവരായിരുന്നു പ്രധാന അഭിനേതാക്കൾ. ഡൽഹി ഫയൽസിന്റെ പ്രമേയം എന്താണെന്ന് സംവിധായകൻ വ്യക്തമാക്കിട്ടില്ല.