യാമി ​ഗൗതം അമ്മയായി; കുഞ്ഞിന്റെ പേരിന്റെ അർഥം തിരഞ്ഞ് ആരാധകർ

കുഞ്ഞ് പിറന്നതിന്റെ സന്തോഷം പങ്കുവച്ച് നടി യാമി ​ഗൗതമും ഭർത്താവും ഫിലിംമേക്കറുമായ ആദിത്യയും. ഇൻസ്റ്റ​ഗ്രാം പോസ്റ്റിലൂടെയാണ് ഇരുവരും തങ്ങളുടെ ജീവിതത്തിലേക്ക് പുതിയ അതിഥിയെത്തിയ വിവരം അറിയിച്ചത്. ആൺ കുഞ്ഞിന്റെ പേരും താരദമ്പതികൾ ആരാധകരുമായി പങ്കുവച്ചിട്ടുണ്ട്.

വേദാവിദ് എന്നാണ് കുഞ്ഞിന് പേര് നൽകിയിരിക്കുന്നത്. ​ഗർഭകാലത്തും പ്രസവ സമയത്തും കൂടെ നിന്ന ഡോക്ടർമാർക്ക് ഇരുവരും നന്ദിയും അറിയിച്ചിട്ടുണ്ട്. മാതാപിതാക്കളായുള്ള മനോഹരമായ ഈ യാത്ര തുടങ്ങുമ്പോൾ മകന്റെ ഭാവിയെ ഞങ്ങൾ ആകാംക്ഷയോടെ നോക്കിക്കാണുന്നു. അവൻ കുടുംബത്തിനും രാജ്യത്തിനും അഭിമാനമായി മാറുമെന്ന പ്രതീക്ഷയും വിശ്വാസവുമുണ്ടെന്നും യാമി കുറിച്ചു.

അക്ഷയതൃതീയ ദിനത്തിലാണ് (മെയ് 10) കുഞ്ഞിന്റെ ജനനമെന്നും പോസ്റ്റിൽ പറയുന്നു. നിങ്ങളുടെ എല്ലാവരുടേയും അനു​ഗ്രഹവും സ്നേഹവും അവന്റെയൊപ്പം ഉണ്ടാകണമെന്നും ഇരുവരും കുറിച്ചിട്ടുണ്ട്. ഇരുവർക്കും ആശംസകൾ നേർന്നുകൊണ്ട് ആരാധകരും രം​ഗത്തെത്തി.

കുഞ്ഞിന്റെ പേരിന്റെ അർഥം എന്താണെന്നാണ് ഭൂരിഭാ​ഗം പേരും കുറിച്ചിരിക്കുന്നത്. രൺവീർ സിങ്, മൃണാൽ താക്കൂർ, ആയുഷ്മാൻ ഖുറാന, പ്രിയ മണി, നേഹ ധൂപിയ തുടങ്ങിയ താരങ്ങളും ഇരുവർക്കും ആശംസകൾ നേർന്നിട്ടുണ്ട്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ആർട്ടിക്കിൾ 370 എന്ന സിനിമയുടെ ട്രെയ്‌ലർ ലോഞ്ചിനിടെയായിരുന്നു ​ഗർഭിണിയാണെന്ന വിവരം യാമി ആരാധകരെ അറിയിച്ചത്. ഏറെ നാളത്തെ പ്രണയത്തിന് ശേഷം 2021 ജൂണിലായിരുന്നു ഇരുവരും വിവാഹിതരായത്.