'അച്ഛന്റെ വാഴയായും നാട്ടുകാരുടെ കോഴിയായും കണക്കാക്കപ്പെട്ട ചങ്കുകളേ, നാടിന്റെ രക്ഷകരാവൂ'

സോഷ്യൽ മീഡിയയിൽ ആക്റ്റീവായ നടി അമേയക്ക് ആരാധകർ ഏറെയാണ്. ബോൾഡ് ആൻഡ് ബ്യൂട്ടിഫുളായ താരം തന്റെ അഭിപ്രായങ്ങളെല്ലാം സോഷ്യൽ മീഡിയയിലൂടെ പങ്കുവെക്കാറുണ്ട്. ഇപ്പോൾ കൊറോണ പടരുന്നതു തടയാൻ രാജ്യം ലോക്ക്ഡൗൺ ചെയ്തതോടെ തന്റെ ആരാധകരോട് വീട്ടിലിരിക്കാൻ ആവശ്യപ്പെട്ടിരിക്കുകയാണ് താരം. തമാശ നിറഞ്ഞ താരത്തിന്റെ കുറിപ്പ് ആരാധകർ ഏറ്റെടുത്തിരിക്കുകയാണ്. 

രാപ്പകൽ വീട്ടിൽതന്നെ കുത്തിയിരുന്നതിന് അച്ഛന്റെ 'വാഴ'യായും... നാട്ടുകാരുടെ 'കോഴി'യായും അയൽക്കൂട്ടം ചേച്ചിമാരുടെ 'കഞ്ചൻ'ആയും കണക്കാക്കപ്പെട്ട എന്റെ പ്രിയ ചങ്കുകളെ... ഈ നാടിന്റെ രക്ഷകരാകാൻ കിട്ടിയ ഈ അവസരം പാഴാക്കരുത്. വീട്ടിലിരിക്കൂ, സൂപ്പർഹീറോ ആകൂ.’ എന്നാണ് അമേയ കുറിച്ചത്. പൊതുചടങ്ങുകളും ആൾക്കൂട്ടങ്ങളും നമുക്ക് ഒഴിവാക്കാം. കേന്ദ്ര - സംസ്ഥാന നിർദേശങ്ങൾ പാലിച്ച്, ഈ മഹാമാരിക്കെതിരെ ഒറ്റകെട്ടായി നമുക്ക് പോരാടാമെന്നും താരം പറയുന്നുണ്ട്.

താരത്തിന്റെ കുറിപ്പിന് മികച്ച പ്രതികരണമാണ് ലഭിക്കുന്നത്. കാപ്ഷൻ കിങ്ങായ പിഷാരടിയെപ്പോലും തോൽപ്പിക്കുമല്ലോ എന്നാണ് ആരാധകർ കുറിക്കുന്നത്. വീട്ടിൽ നിന്നുള്ള ചിത്രത്തിനൊപ്പമാണ് കുറിപ്പ്.