അനുപമയുമായുളള 'പ്രണയക്കഥ' കാടുകയറി; അറ്റകൈ പ്രയോഗിച്ച് ബുംറ 

ക്രിക്കറ്റ് താരം ജസ്പ്രീത് ബുംറയും സിനിമ താരം അനുപമ പരമേശ്വരനും തമ്മില്‍ പ്രണയത്തിലാണെന്ന ഗോസിപ്പുകള്‍ കുറച്ചു ദിവസങ്ങള്‍ക്ക് മുന്‍പ് സോഷ്യല്‍ ലോകത്ത് വലിയ ചര്‍ച്ചയായിരുന്നു. സോഷ്യല്‍മീഡിയയില്‍ ഇരുവരും പരസ്പരം ഫോളോ ചെയ്യാന്‍ തുടങ്ങിയതോടെയാണ് ഈ അഭ്യൂഹം ശക്തമായത്. ദിവസങ്ങള്‍ നീണ്ട ഊഹാപോഹങ്ങള്‍ക്ക് ഒടുവില്‍ ബുംറയും താനും അടുത്ത സുഹൃത്തുക്കള്‍ മാത്രമാണെന്നും അതില്‍ കൂടുതല്‍ ഒന്നുമില്ലെന്നും വ്യക്തമാക്കി അനുപമ പരമേശ്വരന്റെ വിശദീകരണവും പുറത്തുവന്നു. ഇപ്പോള്‍ ഈ അഭ്യൂഹങ്ങള്‍ക്ക് അറ്റകൈ പ്രയോഗത്തിലൂടെ മറുപടി നല്‍കിയിരിക്കുകയാണ് ബുംറെ.

ഇരുപത്തിയഞ്ചുപേരെ മാത്രം ഫോളോ ചെയ്തിരുന്ന ബുംറയുടെ ട്വിറ്റര്‍ ഫോളോ ലിസ്റ്റിലെ ഏക നടി അനുപമ പരമേശ്വരനാണെന്നതായിരുന്നു സോഷ്യല്‍മീഡിയയില്‍ ഇരുവരെയും ചേര്‍ത്തുവച്ച് ചര്‍ച്ചകള്‍ കൊഴുക്കാന്‍ ഇടയാക്കിയത്. ഇപ്പോള്‍ അനുപമയെ അണ്‍ഫോളോ ചെയ്താണ് ഈ അഭ്യൂഹങ്ങള്‍ക്ക് ബുംറ മറുപടി നല്‍കിയിരിക്കുന്നത്. ഇപ്പോള്‍ 24 പേരെ മാത്രമാണ് ബുംറ ട്വിറ്ററില്‍ ഫോളോ ചെയ്യുന്നത്. ബുംറയെ പിന്തുടരുന്നത് 1.43 മില്ല്യണ്‍ ആളുകളാണ്. ബുംറയും താനും അടുത്ത സുഹൃത്തുക്കള്‍ മാത്രമാണെന്നും അതില്‍ കൂടുതല്‍ ഒന്നുമില്ലെന്ന അനുപമയുടെ വിശദീകരണത്തിന് പിന്നാലെയാണ് ബുംറ നടിയെ അണ്‍ഫോളോ ചെയ്ത കാര്യവും പുറത്തുവന്നത്.