ദീപാവലി ആഘോഷത്തിനിടെ സീരിയല് താരത്തിന്റെ വസ്ത്രത്തിന് തീപിടിച്ചു. തലനാരിഴയ്ക്കാണ് താരം വന് അപകടത്തില് നിന്നും രക്ഷപ്പെട്ടത്. ഹിന്ദി സീരിയല് താരം നിയ ശര്മ്മയുടെ വസ്ത്രത്തിനാണ് തീപിടിച്ചത്. ദീപാവലി ആഘോഷത്തിനിടെ കത്തിച്ചുവെച്ച വിളക്കില് നിന്ന് നടിയുടെ വസ്ത്രത്തിലേക്ക് തീപിടിക്കുകയായിരുന്നു.
നിരവധി തട്ടുകളുള്ള വസ്ത്രം ആയതിനാലാണ് താരത്തിന് മറ്റ് അപകടങ്ങളൊന്നും സംഭവിക്കാതിരുന്നത്. കത്തി കരിഞ്ഞ വസ്ത്രത്തിന്റെ ചിത്രം നിയ തന്നെ തന്റെ ഇന്സ്റ്റഗ്രാമില് പോസ്റ്റ് ചെയ്തതോടെയാണ് സംഭവം പുറത്തറിയുന്നത്.
'വിളക്കിന്റെ ശക്തി, നിമിഷനേരത്തിനുള്ളില് തീപിടിച്ചു. വസ്ത്രത്തില് നിരവധി തട്ടുകള് ഉളളതിനാല് ജീവന് രക്ഷപ്പെട്ടു'- നിയ ശര്മ്മ കുറിച്ചു. വെള്ള ലെഹങ്കയായിരുന്നു ്നിയ ദീപാവലി ആഘോഷത്തിന് ധരിച്ചത്. നിയ നൃത്തം ചെയ്യുന്ന വീഡിയോയും സാമൂഹിക മാധ്യമങ്ങളില് ശ്രദ്ധ നേടിയിരുന്നു. എന്നാല് തീപിടുത്തമുണ്ടായ വിവരം അധികമാരും അറിഞ്ഞിരുന്നില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
