ആനയെ താലോലിച്ചും ഉമ്മവെച്ചും പ്രവീണ; താരത്തിന്റെ ഇമ്മിണി വല്യ ആനക്കാര്യം വൈറൽ; വിഡിയോ

ലോക്ക്ഡൗണിനിടെ വീട്ടിൽ വന്ന മൂർഖൻ കുഞ്ഞിനെ കയ്യിലെടുത്ത് നടി പ്രവീണ സോഷ്യൽ മീഡിയയെ ഞെട്ടിച്ചിരുന്നു. ഇപ്പോൾ വൈറലാവുന്നത് പുതിയ സുഹൃത്തിനൊപ്പമുള്ള താരത്തിന്റെ വിഡിയോ ആണ്. ആനയാണ് താരത്തിന്റെ ഇപ്പോഴത്തെ കൂട്ട്. ആനയെ കൊഞ്ചിച്ചും അതിന് ഭക്ഷണം കൊടുത്തും കളിച്ചുമെല്ലാം സമയം ചെലവഴിക്കുന്ന പ്രവീണയാണ് വിഡിയോയിൽ. 

 ‘ഇമ്മിണി വല്യ ആനക്കാര്യം’ എന്ന അടിക്കുറിപ്പോടെ സ്വന്തം യൂട്യൂബ് ചാനലിലാണ് താരം വിഡിയോ പങ്കുവെച്ചിരിക്കുന്നത്. ആനയുടെ തുമ്പിക്കയ്യിൽ തലോടിയും ഉമ്മവെച്ചും സംസാരിക്കുന്നതും വിഡിയോയിൽ കാണുന്നത്. കൂടാതെ ആനയുടെ മുകളിൽ കയറാനും താരം മടിച്ചില്ല. 

നേരത്തെ വീട്ടിലെ കോഴിക്കൂട്ടിലെത്തിയ മൂർഖൻ കുഞ്ഞിനെ കയ്യിലെടുക്കുന്ന നടിയുടെ വിഡിയോ വൈറലായിരുന്നു. യൂട്യൂബ് ചാനലിലൂടെ തന്നെയായിരുന്നു ഈ വിഡിയോയും പങ്കുവെച്ചത്.