'ആമിനത്താത്തേടെ പൊന്നുമോളാണ്-നാട്ടിലെ ചേലുള്ള പെണ്ണാണ്; ഹണീബി 2.5 ലെ ആദ്യ പാട്ട് ഇറങ്ങി

കൊച്ചി: ഹണീബി 2.5 ലെ ആദ്യ പാട്ട് പുറത്തിറങ്ങി. ആമിനത്താത്തേടെ പൊന്നുമോളാണ്, നാട്ടിലെ ചേലുള്ള പെണ്ണാണ് എന്നു തുടങ്ങുന്ന ഗാനം ചിത്രത്തിന്റെ കഥയൊരുക്കിയ ലാല്‍ ആണ് ആലപിച്ചിരിക്കുന്നത്.

ആസിഫ് അലിയുടെ സഹോദരന്‍ അസ്‌ക്കര്‍ അലിയാണ് ചിത്രത്തില്‍ നായകനായെത്തുന്നത്. മഹേഷിന്റെ പ്രതികാരം, കട്ടപ്പനയിലെ ഹൃത്വിക് റോഷന്‍ എന്നീ ചിത്രങ്ങളിലൂടെ ശ്രദ്ധ പിടിച്ചുപറ്റിയ ലിജോമോളാണ് ചിത്രത്തിലെ നായിക. 

ഷൈജു അന്തിക്കാടാണ് ചിത്രം സംവിധാനവും തിരക്കഥയും ചെയ്തിരിക്കുന്നത്. ആസിഫ് അലി, ഭാവന, ശ്രീനിവാസന്‍, ശ്രീനാഥ് ഭാസി തുടങ്ങിയവരെല്ലാം ചിത്രത്തില്‍ വേഷമിടുന്നു. ഹണീബി 2: സെലിബ്രേഷന്‍ എന്ന ചിത്രത്തിന്റെ ലൊക്കേഷനില്‍ തന്നെയാണ് 2.5ന്റെയും ചിത്രീകരണം നന്നിരുന്നത്.