ഷാങ്ഹായി കോര്‍പ്പറേഷന്‍ ഓര്‍ഗനൈസേഷന്‍ മീറ്റിങ്ങിനിടെ ചൈനീസ് പ്രസിഡന്റ് സി ജിന്‍പിങും, നരേന്ദ്ര മോദിയും തമ്മില്‍ ഹ്രസ്വമായ കൂടിക്കാഴ്ച നടത്തിയിരുന്നു. ഇരു രാജ്യങ്ങളും തമ്മിലുള്ള ബന്ധം വഷളാകുന്നതിന് ഇടയില്‍ ഇരുവര്‍ക്കും ചര്‍ച്ച ചെയ്യാന്‍ നിരവധി കാര്യങ്ങളുണ്ടാകും. എന്നാല്‍ അതിവേഗം പുരോഗതി കൈവരിക്കുന്ന രണ്ട് രാജ്യങ്ങളുടെ തലവന്മാര്‍ തമ്മിലുള്ള
കൂടിക്കാഴ്ചയില്‍ ആമിര്‍ ഖാന്റെ ദംഗലും കടന്നെത്തി.
ചൈനീസ് പ്രസിഡന്റാണ് മോദിക്ക് മുന്നില്‍ ദംഗലിനെ പുകഴ്ത്തിയത്. താന്‍ ദംഗല്‍ കണ്ടു, വളരെയധികം ഇഷ്ടപ്പെട്ടു. ചൈനയില്‍ ദംഗല്‍ വലിയ മുന്നേറ്റമാണ് നടത്തുന്നതെന്നും ചൈനീസ് പ്രസിഡന്റ് മോദിയെ അറിയിച്ചു.
ദംഗലിനെ കുറിച്ച് ഇരുവരും സംസാരിച്ചതായി വിദേശകാര്യ സെക്രട്ടറി എസ്.ജയശങ്കറാണ് വ്യക്തമാക്കിയത്. കളക്ഷന്‍ റെക്കോര്‍ഡുകള്‍ തകര്‍ത്ത് ദംഗല്‍ ചൈനക്കാര്‍ക്കിടയില്‍ സ്വാധീനം ചെലുത്തുകയാണെന്ന് നേരത്തെ വാര്‍ത്തകള്‍ വന്നിരുന്നു. ചൈനയില്‍ സിനിമ 1000 കോടി കളക്ഷനും പിന്നിട്ടിരുന്നു. ലെറ്റ്‌സ് റെസില്‍ ഡാഡ് എന്ന് അര്‍ഥം വരുന്ന പേരിലാണ് ദംഗല്‍ ചൈനയില്‍ റിലീസ് ചെയ്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
