'ഇതെന്റെ പുതിയ കുടുംബം': നവാബിന്റെ വീട്ടുകാര്‍ക്കൊപ്പമുള്ള ചിത്രം പങ്കുവെച്ച് പൂജ

ബോളിവുഡ് നടി പൂജ ബത്രയും നടന്‍ നവാബ് ഷായും വിവാഹിതരായത്. മുംബൈയില്‍ നടന്ന സ്വകാര്യ ചടങ്ങിലായിരുന്നു വിവാഹം. വിവാഹത്തിന്റെയും ഹണിമൂണ്‍ യാത്രയുടെയുമെല്ലാം ചിത്രങ്ങളും വീഡിയോകളും  താരം സോഷ്യല്‍ മീഡിയയില്‍ പങ്കുവെച്ചിരുന്നു. 

പൂജയുടെ മാതാപിതാക്കളുടെ സാന്നിദ്ധ്യത്തില്‍ നടന്ന വിവാഹത്തിന്റെ ചിത്രങ്ങളായിരുന്നു താരം ആരാധകര്‍ക്കായി പങ്കുവെച്ചത്. ഇപ്പോഴിതാ നവാബിന്റെ കുടുംബത്തോടൊപ്പമുള്ള പൂജയുടെ ചിത്രങ്ങളാണ് വൈറലാകുന്നത്.

നവാബ് ഷായുടെ സഹോദരിമാര്‍ക്കും മരുമക്കള്‍ക്കും ഒപ്പമുള്ള ഫോട്ടോയാണ് പൂജ പങ്കുവച്ചിരിക്കുന്നത്. എന്റെ പുതിയ കുടുംബം, സുന്ദരികളായ സഹോദരിമാരും മരുമക്കളും'- ഇന്‍സ്റ്റഗ്രാമില്‍ പങ്കുവെച്ച ചിത്രങ്ങള്‍ക്കൊപ്പം പൂജ കുറിച്ചു. 

കഴിഞ്ഞ മാസമാണ് ഇരുവരും തങ്ങളുടെ പ്രണയം പരസ്യമാക്കിയത്. പൂജയുടെ രണ്ടാം വിവാഹമാണ് ഇത്. 2003 ഫെബ്രുവരിയിലാണ് ഡോക്ടറായ സോനു അലുവാലിയയെ പൂജ വിവാഹം ചെയ്യുന്നത്. വിവാഹശേഷം ഭര്‍ത്താവിനൊപ്പം ലൊസ് ആഞ്ചല്‍സില്‍ താമസമാക്കിയിരുന്ന പൂജ 2011 ലാണ് വിവാഹമോചിതയാകുന്നത്.