'എന്റെ എല്ലാ ഭ്രാന്തുകളുടേയും കൂട്ടുകാരൻ'; മേക്കപ്പ് മാന് പിറന്നാൾ ആശംസകളുമായി ജയസൂര്യ

തന്റെ മേക്കപ്പ്മാന് പിറന്നാൾ ആശംസകളുമായി നടൻ ജയസൂര്യ. പത്ത് വർഷമായി തന്റെ മേക്കപ്പ്മാനായി പ്രവർത്തിക്കുന്ന കിരണിനാണ് താരം ആശംസകൾ അറിയിച്ചത്. തന്റെ എല്ലാ ഭ്രാന്തുകളുടേയും കൂട്ടുകാരൻ എന്നാണ് താരം കിരണിനെ വിശേഷിപ്പിച്ചിരിക്കുന്നത്. കിരണിനൊപ്പമുള്ള ചിത്രത്തിനൊപ്പം മനോഹരമായ കുറിപ്പും താരം പങ്കുവെച്ചു. 

എന്റെ എല്ലാ ഭ്രാന്തുകളുടെയും കൂട്ടുകാരൻ ...10 വർഷത്തോളമായി എന്റെ make up man - ആയി എന്റെ സഹോദരനായി കൂടെ നിൽക്കുന്ന...
"കിരൺ "എല്ലാവിധ പിറന്നാൾ ആശംസകളും- എന്നാണ് ജയസൂര്യ കുറിച്ച്. കിരൺ നാരായണൻകുട്ടി എന്ന ആനയ്ക്കൊപ്പം ഇരുവരും നിൽക്കുന്ന ചിത്രമാണ് താരം പോസ്റ്റ് ചെയ്തിരിക്കുന്നത്. താരത്തിന്റെ ഭാര്യ സരിതയും പിറന്നാൾ ആശംസ അറിയിച്ചിട്ടുണ്ട്.