'എന്റെ പേരിലൊരു വ്യാജ ഫേയ്സ്ബുക്ക് പേജ്, റിപ്പോർട്ട് ചെയ്ത് പൂട്ടിക്കണം'; സഹായം അഭ്യർത്ഥിച്ച് സ്വാസിക

സിനിമ നടിമാരുടെ പേരിൽ നിരവധി വ്യാജപ്രൊഫൈലുകളാണ് സോഷ്യൽ മീഡിയയിലുള്ളത്. ഇപ്പോൾ തന്റെ പേരിലുള്ള വ്യാജ ഫേയ്സ്ബുക്ക് പേജിനെതിരെ രം​ഗത്തെത്തിയിരിക്കുകയാണ് നടി സ്വാസിക. പേജിനെതിരെയുള്ള സൈബർ നടപടികൾ നടക്കുന്നുണ്ട്. എന്നാൽ അതിനൊപ്പം തന്റെ ഫേയ്സ്ബുക്ക് സുഹൃത്തുക്കളുടെ സഹായം അഭ്യർത്ഥിക്കുകയാണ് സ്വാസിക. പേജിൽ കയറി റിപ്പോർട്ട് ചെയ്യാനാണ് നടി ആവശ്യപ്പെടുന്നത്. 

സ്വാസികയുടെ ഫേയ്സ്ബുക്ക് കുറിപ്പ്

പ്രിയ സുഹൃത്തുക്കളെ ഈയിടെ എന്റെ പേരിൽ ഒരു വ്യാജ ഫേസ്ബുക് പേജിൽ നിന്നും അനാവശ്യമായ പോസ്റ്റുകൾ വരുന്നതായി ശ്രദ്ധയിൽ പെട്ടു, അതിനെതിരെയായുള്ള സൈബർ നടപടികൾ നടക്കുകയാണ് . എന്നെ സ്നേഹിക്കുന്ന എന്റെ എല്ലാം സുഹൃത്തുക്കളും താഴെ കൊടുത്തിരിക്കുന്ന പേജ് ലിങ്ക് കയറി റിപ്പോർട്ട്‌ ചെയ്യുക.