'എൻ കണ്മണിക്ക്', മകൾക്കൊപ്പം ചുവടുവച്ച് മുക്ത; പിറന്നാളിന് ചോക്ലേറ്റ് കേക്ക് ഉണ്ടാക്കി റിമിയും 

നൃത്തത്തിലൂടെ മകൾക്ക് പിറന്നാൾ ആശംസകൾ നേർന്നിരിക്കുകയാണ് നടി മുക്ത. മകൾ കൺമണിയുടെ നാലാം പിറന്നാൾ പ്രമാണിച്ചാണ് മുക്ത നൃത്തവിഡിയോ പങ്കുവച്ചിരിക്കുന്നത്. വിഡിയോയിൽ മുക്തയ്ക്കൊപ്പം കൺമണിയേയും കാണാം. 

പെരുമഴക്കാലം എന്ന സിനിമയിലെ 'ചെന്താർമിഴീ' എന്ന ​ഗാനത്തിനാണ് മുക്ത ചുവടുകൾ വെക്കുന്നത്. അമ്മയുടെ ചുവടുകൾ പകർത്താൻ ശ്രമിക്കുന്ന കൺമണിയെയാണ് വിഡിയോയിൽ കാണാൻ കഴിയുക. കേരളസാരിയുടുത്താണ് മുക്തയുടെ നൃത്തം. "എന്റെ കൺമണിക്ക് നാലാംപിറന്നാൾ, പ്രിയ​ഗാനം" എന്ന ക്യാപ്ഷനോടെയാണ് മുക്ത വിഡിയോ പങ്കുവച്ചത്. 

നേരത്തെ റിമിടോമിയും കൺമണിക്ക് പിറന്നാൾ ആശംസകൾ നേർന്നിരുന്നു. കൺമണിക്കായി ഒരുക്കിയ കേക്ക് പങ്കുവച്ചായിരുന്നു റിമിയുടെ ആശംസ.