ഒരുപോലെ ഉടുപ്പിട്ട് സാനിയയും പ്രിയ വാര്യറും, നൃത്തതിന് ഒപ്പം ചേർന്ന് അനാർക്കലി; താരസുന്ദരിമാർ ഒന്നിച്ചെത്തിയ കല്ല്യാണമേളം, ചിത്രങ്ങളും വിഡിയോയും വൈ‌റൽ 

സാനിയ ഇയ്യപ്പൻ, പ്രിയ വാര്യർ, അനാർക്കലി മരക്കാർ, പേളി മാണി തുടങ്ങി നിരവധി താരങ്ങൾ പങ്കെടുത്ത ഒരു വിവാഹ വിശേഷമാണ് സോഷ്യൽ മീഡിയയിൽ നിറയുന്നത്. ഫോട്ടോ​ഗ്രാഫർ ജിക്ക്സണും സിജ രാജനും തമ്മിലുള്ള വിവാഹത്തിലാണ് താരങ്ങൾ ഒന്നിച്ചെത്തിയത്. സം​ഗീത് രാവിൽ നൃത്തം ചെയ്തും വിവാഹത്തിന് ഒരേ വസ്ത്രത്തിലെത്തിയും നിറഞ്ഞുനിന്നത് സാനിയയും പ്രിയയുമാണ്. 

വിവാഹാഘോഷങ്ങളുടെ ചിത്രങ്ങളും വിഡിയോയും ഇതിനോടകം വൈറലായിക്കഴിഞ്ഞു. പള്ളിപ്പെരുന്നാൾ തീമിൽ ആയിരുന്നു തലേദിവസത്തെ ആഘോഷ പരിപാടികൾ. ചട്ടയും മുണ്ടും ധരിച്ച് പ്രിയയും അനാർക്കലിയും തിളങ്ങിയപ്പോൾ സാനിയ കിടിലൻ ഡാൻസുമായാണ് എത്തിയത്. മൂവരും ചേർന്നുള്ള സ്പോട്ട് കൊറിയോ​ഗ്രഫി ഡാൻസും ഏറെ വൈറലായി. 

വിവാഹത്തിന് വെള്ള ഷർട്ടും പച്ച മിനി സ്കേർട്ടും ധരിച്ച് ഒരേ വേഷത്തിലാണ് സാനിയയും പ്രിയയും എത്തിയത്. നടന്‍ സിജു വില്‍സണ്‍, അവതാരകൻ ജീവ അടക്കമുള്ളവർ ആഘോഷങ്ങളിൽ പങ്കെടുത്തിരുന്നു.