കൊച്ചി: സംസ്ഥാനത്ത് കൊറോണ വൈറസ് വ്യാപനത്തിന്റെ പശ്ചാത്തലത്തില്‍ മലയാള സിനിമയിലെ ദിവസ വേതനക്കാര്‍ക്ക് സഹായവുമായി നടന്‍ മോഹന്‍ലാല്‍. ഇവര്‍ക്കായി പത്തുലക്ഷം രൂപ നല്‍കാനാണ് പദ്ധതി. ഈ തുക മലയാള സിനിമയിലെ സാങ്കേതിക പ്രവര്‍ത്തകരുടെ സംഘടനയായ ഫെഫ്കയ്ക്കാണ് കൈമാറുക.
കൊറോണ വൈറസ് ഭീതിയെ തുടര്‍ന്ന് സിനിമാ ചിത്രീകരണം നിര്‍ത്തിവെച്ചിരിക്കുകയാണ്. ഇതോടെ നിരവധി ദിവസവേതനക്കാരും കരാര്‍ തൊഴിലാളികളും ജോലി ഇല്ലാത്ത അവസ്ഥയിലാണ്. ഈ സാഹചര്യത്തിലാണ് ഇവര്‍ക്ക് സഹായഹസ്തവുമായി അമ്മ പ്രസിഡന്റ് കൂടിയായ മോഹന്‍ലാല്‍ രംഗത്തെത്തിയിരുന്നു.
തൊഴിലും ജീവിതവുമെല്ലാം പ്രതിസന്ധിയിലായ തന്റെ സഹപ്രവര്‍ത്തകര്‍ക്ക് സഹായവുമായി പ്രകാശ് രാജും രംഗത്തുവന്നിരുന്നു. തന്റെ സമ്പാദ്യത്തില്‍ നിന്നും, ജോലിക്കാര്‍ക്കും പ്രൊഡക്ഷന്‍ ഹൗസിലെ മറ്റു സഹപ്രവര്‍ത്തകര്‍ക്കും അടുത്ത മെയ് വരെയുള്ള സാലറി അദ്ദേഹം നല്‍കിയിരുന്നു. ദിവസക്കൂലിയില്‍ ആശ്രയിച്ച് ജീവിക്കുന്ന ആളുകള്‍ക്കും മുന്‍കൂറായി അദ്ദേഹം ശമ്പളം നല്‍കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
