ക്യൂട്ട് ചിരിയുമായി തൊപ്പി വച്ച് നിൽക്കുന്ന താരസുന്ദരി; കുട്ടിക്കാല ചിത്രവുമായി മലയാളത്തിന്റെ 'പച്ചപ്പനംതത്ത'

കൊറോണ വൈറസ് വ്യാപനത്തെത്തുടർന്ന് വീട്ടിൽ തന്നെയാണെങ്കിലും ആരാധകരുമായി വിശേഷങ്ങൾ പങ്കുവയ്ക്കാൻ സംവൃത സമയം കണ്ടെത്താറുണ്ട്. സോഷ്യൽ മീഡിയയിലൂ‌ടെ പഴയകാല ഓർമ്മകളിലേക്കെത്തുന്ന താരങ്ങളുടെ ചുവടുപിടിച്ചിരിക്കുകയാണ് മലയാളികളുടെ ഈ പ്രിയ താരവും. തന്റെ ഒരു കുട്ടിക്കാല ചിത്രമാണ് സംവൃത പങ്കുവച്ചിരിക്കുന്നത്. 

അച്ഛനും അമ്മയും സഹോദരിയ്ക്കുമൊപ്പമുള്ള ഒരു ചിത്രമാണ് സംവൃത പങ്കുവച്ചത്. മാതാപിതാക്കൾക്കും സഹോദരിക്കുമൊപ്പം സുരക്ഷിതയായി നിൽക്കുന്ന ഞാൻ. ചിരിച്ച് സന്തോഷവതിയായി നിൽക്കുന്ന താരം സ്വയം പരിചയപ്പെടുത്തിയത് ഇങ്ങനെയാണ്. കുട്ടിക്കാല ഓർമ്മകൾ ഹാഷ്ടാ​ഗിലും നിറച്ചിട്ടുണ്ട് താരം. 

2012 ലായിരുന്നു സംവൃതയും അഖില്‍ ജയരാജും തമ്മിലുള്ള വിവാഹം നടന്നത്. വിവാഹത്തോടെ സിനിമയിൽ നിന്ന് വിട്ടുനിന്ന താരം അമേരിക്കയിൽ എന്‍ജീനിയറായ ഭര്‍ത്താവിനൊപ്പം സ്ഥിരതമാസമാക്കുകയായിരുന്നു. 2015 ഫെബ്രുവരി 21 നാണ് ഇവർക്ക് ആദ്യത്തെ കുഞ്ഞ് പിറന്നത്. മകന്‍ വലുതായതിന് ശേഷം അഭിനയ ജീവിതത്തിലേക്ക് തിരിച്ചെത്തിയ സംവൃത കഴിഞ്ഞ വര്‍ഷം തിയറ്ററുകളിലേക്ക് എത്തിയ സത്യം പറഞ്ഞാല്‍ വിശ്വസിക്കുമോ എന്ന സിനിമയിൽ അഭിനയിച്ചു.  കഴിഞ്ഞ ഫെബ്രുവരി 20നായിരുന്നു സംവൃതയ്ക്ക് രണ്ടാമത്തെ കുഞ്ഞ് പിറന്നത്. രുദ്ര എന്നാണ് മകളുടെ പേര്.