മുംബൈ: ബോളിവുഡ് നടന്‍ അക്ഷയ് കുമാറിന്റെ വീട്ടില്‍ അനധികൃതമായി കയറിയ യുവാവിനെ പൊലീസ് അറസ്റ്റ് ചെയ്തു. ജുഹുവിലെ താരത്തിന്റെ വസതിയിലാണ് യുവാവ് പ്രവേശിക്കാന്‍ ശ്രമിച്ചത്. ഹരിയാന സ്വദേശിയായ അങ്കിത് ഗോസ്വാമി എന്ന യുവാവാണ് അറസ്റ്റിലായത്.
ഹരിയാനയില്‍ നിന്ന് അക്ഷയ് കുമാറിനെ കാണാന്‍ വേണ്ടി മാത്രമാണ് അങ്കിത് മുംബൈയിലെത്തിയത്. ഗൂഗിളില്‍ നിന്ന് വിലാസം കണ്ടെത്തിയ ഇയാള്‍ നേരെ വീട്ടിലേക്ക് കയറിചെല്ലുകയായിരുന്നു. തിങ്കളാഴ്ച രാത്രി വൈകിയാണ് യുവാവ് താരത്തിന്റെ വസതിയിലെത്തിയത്.
അകത്ത് കയറാന്‍ ശ്രമിച്ച ഇയാളെ സെക്യൂരിറ്റി ജീവനക്കാര്‍ പിടികൂടി. ജുഹു പൊലീസ് ഇയാളെ ചോദ്യം ചെയ്തശേഷം ചൊവ്വാഴ്ച അറസ്റ്റ് രേഖപ്പെടുത്തുകയായിരുന്നു. അതിക്രമിച്ച് കടക്കാന്‍ ശ്രമിച്ച കുറ്റത്തിനാണ് അങ്കിത്തിനെതിരെ കേസ് രജിസ്റ്റര്‍ ചെയ്തിരിക്കുന്നത്. ഇപ്പോള്‍ ജുഡീഷ്യല്‍ കസ്റ്റഡിയിലാണ് ഇയാള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
