'ഞാൻ ജാക്സനല്ലെടാ...', വുമൻസ് കോളജിൽ ഡാൻസ് ടീച്ചറായി സൗബിൻ; വേദിയിൽ നിറഞ്ഞാടി താരം (വിഡിയോ) 

ക്രിസ്മസ് ആഘോഷത്തിനിടയിൽ കോളജ് വിദ്യാർഥിനികൾക്കൊപ്പം ചുവടു വച്ച് നടൻ സൗബിൻ സാഹിർ. എറണാകുളം സെന്റ് തെരേസാസ് കോളജിലെത്തിയപ്പോഴാണ് തന്റെ ഹിറ്റ് ​ഗാനത്തിനൊപ്പം സൗബി‌ൻ വേദിയിൽ ചുവടുവച്ചത്. അമ്പിളിയിലെ ‘ഞാൻ ജാക്സനല്ലെടാ..ന്യൂട്ടനല്ലെടാ...’ എന്ന സൂപ്പർഹിറ്റ് ഗാനത്തിനൊപ്പമാണ്‌ താരം ന‌ൃത്തം ചെയ്തത്. ​

ഗാനരം​ഗത്തിലെ തന്റെ സ്റ്റെപ്പുകൾ വേദിയിൽ വച്ച് വിദ്യാർത്ഥികൾക്ക് പറഞ്ഞുകൊടുക്കുന്നുമുണ്ട് സൗബിൻ. ഇതിന്റെ വിഡിയോ സമൂഹമാധ്യമങ്ങളിൽ ഇതിനോടകം വൈറലായിക്കഴിഞ്ഞു. 

മുമ്പ് നടി മഞ്ജുവാര്യരുടെയും നടൻ ഷെയിൻ നി​ഗത്തിന്റെയും സമാന വിഡിയോകൾ സോഷ്യൽ മീഡിയ ഏറ്റെടുത്തിരുന്നു. തേവര സേക്രട്ട് ഹാർട്ട് കോളജിലെത്തിയപ്പോഴാണ് മഞ്ജു കണ്ണാടി കൂടു കൂട്ടി... എന്ന ​ഗാനത്തിനൊപ്പം ചുവടുവച്ചതെങ്കിൽ ഇന്ദിരാഗാന്ധി ഡെന്റൽ കോളജിൽ വച്ചായിരുന്നു ഷെയിനിന്റെ പ്രകടനം.