ബാങ്കോക്കില്‍ ചിത്രീകരണതിരക്കുകള്‍ക്കിടയിലും രണ്ടാം വിവാഹ വാര്‍ഷികം ആഘോഷിച്ച് ദിലീപ്. പ്രൊഫസര്‍ ഡിങ്കന്റെ സെറ്റില്‍ വച്ചായിരുന്നു ആഘോഷം. തിരകഥാകൃത്ത് റാഫി, സംവിധായകന്‍ രാമചന്ദ്ര ബാബു എന്നിവരും സെറ്റിലെ മറ്റ് അംഗങ്ങളും ആഘോഷത്തില്‍ പങ്കെടുത്തു.
മൂന്ന് കേക്കുകളാണ് വാര്‍ഷികം പ്രമാണിച്ച് ഒരുക്കിയിരുന്നത്. സെറ്റിലെ അണിയറപ്രവര്‍ത്തകര്‍ക്കും താരത്തെ കാണാനെത്തിയ ആരാധകര്‍ക്കും ദിലീപ് തന്നെയാണ് കേക്ക് മുറിച്ചു നല്‍കിയത്. കാവ്യാ മാധവനും കുഞ്ഞും നാട്ടിലാണുള്ളത്. ആഘോഷങ്ങളില്‍ വീഡിയോ കോളിലൂടെ കാവ്യയും ലൈവായി പങ്കെടുത്തു.
വിഡിയോ കടപ്പാട് - മനോരമ ഓണ്‍ലൈന്‍
അടുത്തിടെ നടന്ന മകളുടെ നൂലുകെട്ട് ചടങ്ങില്‍ പങ്കെടുത്തതിന് ശേഷമാണ് ദിലീപ് ഷൂട്ടിങ്ങിനായി വിദേശത്തേക്ക് തിരിച്ചത്. അടുത്തമാസം അഞ്ചാം തിയതിവരെ ദിലീപ് വിദേശത്തായിരിക്കും. ബാങ്കോക്ക്, തായ്‌ലാന്‍ഡ്, പട്ടായ എന്നിവിടങ്ങളിലായാണ് പ്രൊഫസര്‍ ഡിങ്കന്റെ ഷൂട്ടിങ്. നമിതാ പ്രമോദ്, അജു വര്‍ഗീസ്, സുരാജ് വെഞ്ഞാറമൂട്, സൃന്ദ എന്നിവരാണ് സിനിമയിലെ മറ്റുതാരങ്ങള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
