ദുൽഖറിന് പകരം അല്ലു; എബിസിഡിയുടെ തെലുങ്ക് ട്രെയിലർ കണ്ടത് ലക്ഷങ്ങൾ  

ദുൽഖർ സൽമാൻ നായകനായ മലയാള ചിത്രം എബിസിഡിയുടെ തെലുങ്ക് പതിപ്പിന്റെ ട്രെയിലർ പുറത്ത്. 'എബിസിഡി'(അമേരിക്കന്‍ ബോണ്‍ കണ്‍ഫ്യൂസ് ദേസി )യുടെ തെലുങ്ക് റീമേക്കിൽ അല്ലു ശിരിഷ് ആണ് നായകനായി എത്തുന്നത്. റുക്ഷര്‍ ധില്ലൻ ആണ് നായികയായെത്തുന്നത്. 

നാഗേന്ദ്ര ബാബു, ഭരത്, കോട്ട ശ്രീനിവാസ റാവു, ശുഭലേഖ സുധകര്‍, രാജ എന്നിവരും ചിത്രത്തിൽ ശ്രദ്ധേയവേഷങ്ങളിലെത്തുന്നു. സുരേഷ് പ്രൊഡക്ഷൻസിന്‍റെ ബാനറിൽ ഡി.സുരേഷ് ബാബു, മധുര ശ്രീധര്‍ റെഡ്ഡി, യാഷ് രംഗിനേനി, ധീരജ് മൊഗില്ലിനേനി എന്നിവർ ചേര്‍ന്നാണ് ചിത്രം നിര്‍മ്മിക്കുന്നത്. മെയ് 17ന് ചിത്രം തീയേറ്ററുകളിലെത്തും.