നടി മൃദുല മുരളിയുടെ വിവാഹനിശ്ചയം കഴിഞ്ഞു. നിതിന്‍ വിജയ് ആണ് വരന്‍. ഇന്നായിരുന്നു ഇരുവരുടെയും വിവാഹനിശ്ചയം. പരിപാടികളില്‍ ബന്ധുക്കളും സിനിമാരംഗത്തുനിന്നുള്ള മൃദുലയുടെ അടുത്ത സുഹൃത്തുക്കളും പങ്കെടുത്തു.
നടിമാരായ ഭാവന, രമ്യാ നമ്പീശന്‍, ഷഫ്‌ന, ശരണ്യാ മോഹന്‍, ശില്‍പ ബാല തുടങ്ങിയവരും വിജയ് യേശുദാസ്, സയനോര, അമൃത സുരേഷ്, അഭിരാമി സുരേഷ് എന്നിവരും പരിപാടികളില്‍ പങ്കെടുത്തു. നടന്‍മാരായ മണികണ്ഠന്‍, ഹേമന്ത് എന്നിവരും വിവാഹ നിശ്ചയത്തിന് എത്തിയിരുന്നു.
രമ്യാ നമ്പീശന്‍, സയനോര, വിജയ് യേശുദാസ്, മണികണ്ഠന്‍ എന്നിവരുടെ പാട്ടുകളും ഉണ്ടായിരുന്നു. മൃദുലയുടെ ഭാവിവരന്‍ നിതിനും പരിപാടിക്കിടയില്‍ ഗാനം ആലപിച്ചു.
2009ല്‍ റെഡ് ചില്ലീസ് എന്ന ചിത്രത്തിലൂടെ ബിഗ് സ്‌ക്രീനിലേക്കെത്തിയ മൃദുല എല്‍സമ്മ എന്ന ആണ്‍കുട്ടി, അയാള്‍ ഞാനല്ല, ശിഖാമണി എന്നിങ്ങനെ പത്തിലധികം സിനിമകളില്‍ അഭിനയിച്ചിട്ടുണ്ട്. ഹിന്ദി ചിത്രം രാഗ്‌ദേശില്‍ ക്യാപ്റ്റന്‍ ലക്ഷ്മിയായി എത്തിയത് ഏറെ ശ്രദ്ധനേടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
