നിശ്ചയത്തിന്റെ തലേരാവ് ആഘോഷമാക്കി താരങ്ങള്‍; വേദിയില്‍ തകര്‍ത്താടി ഭാവനയും രമ്യാനമ്പീശനും, കൂട്ടിന് വിജയ് യേശുദാസിന്റെ പാട്ടും (ചിത്രങ്ങളും വിഡിയോയും) 

അവതാരകയും നടിയുമായ ശില്‍പ ബാലയുടെ സഹോദരിയുടെ വിവാഹനിശ്ചയ ആഘോഷങ്ങളാണ് സോഷ്യല്‍ മീഡിയയില്‍ നിറയുന്നത്. ശില്‍പയുടെ സുഹൃത്തുക്കളായ സിനിമാ താരങ്ങളും സിനിമ പിന്നണി ഗായകരും ചടങ്ങില്‍ പങ്കെടുത്തതാണ് പരിപാടിയെ അതിഗംഭീരമാക്കിയത്. നിശ്ചയത്തിന്റെ തലേദിവസ ആഘോഷ ചിത്രങ്ങളും വിഡിയോയുമാണ് ഇപ്പോള്‍ പുറത്തുവന്നിരിക്കുന്നത്. 

ശില്‍പയുടെ അടുത്ത സുഹൃത്തുക്കളും നടിമാരുമായ ഭാവന, രമ്യാ നമ്പീശന്‍, മൃഥുല മുരളി, ഷഫ്‌ന തുടങ്ങിയവര്‍ ആഘോഷങ്ങളില്‍ പങ്കെടുത്തു. പിന്നണി ഗായകരായ സയനോരയും വിജയ് യേശുദാസും ഇവര്‍ക്കൊപ്പമുണ്ടായിരുന്നു. രമ്യയുടെ സഹോദരനും പിന്നണി ഗായകനുമായ രാഹുല്‍ സുബ്രഹ്മണ്യനും പരിപാടികളില്‍ പങ്കെടുത്തിരുന്നു. 

ഫ്രണ്ട്‌സ് ലൈക്ക് ഫാമിലി എന്ന് കുറിച്ചാണ് ചടങ്ങിലെ വിഡിയോകള്‍ താരങ്ങള്‍ സ്റ്റാറ്റസായി പങ്കുവച്ചിരിക്കുന്നത്. ശില്‍പയ്‌ക്കൊപ്പം ചേര്‍ന്ന് ഭാവനയും രമ്യയും മൃദുലയും ഷഫ്‌നയും അവതരിപ്പിച്ച നൃത്തമായിരുന്നു പരിപാടിയുടെ ഹൈലൈറ്റ്. ഇതിനുപുറമേ വിജയ് യുടെയും സയനോരയുടെയും പാട്ടും പരിപാടികള്‍ ഗംഭിരമാക്കി.