നടന്‍ മുരളി അഭിനയിച്ച് ഉജ്ജ്വലമാക്കിയ 'പുലിജന്‍മം' നാടകമാകുമ്പോള്‍ ആ വേഷം ചെയ്യാനുള്ള ക്ഷണമായിരുന്നു മലയാളികളുടെ പ്രിയപ്പെട്ട 'ബാലന്‍ ചേട്ടന് ' കിട്ടിയത്. മികച്ച വേഷത്തെ ഏറ്റവും മികച്ച രീതിയില്‍ അവതരിപ്പിക്കുക എന്ന ലക്ഷ്യത്തോടെ മണ്കണ്ഠന്‍ കുറച്ചത് 15 കിലോ ശരീര ഭാരമാണ്. മെയ്വഴക്കം വേണ്ടതിനാലാണ് ശരീരഭാരം കുറച്ചതെന്ന് താരം പറയുന്നു. ഒന്നര മാസം കൊണ്ടാണ് ഈ നേട്ടം അദ്ദേഹം സ്വന്തമാക്കിയത്.
ചോറിനോട് ബൈ ബൈ പറയുകയാണ് ഇതിനായി താന്‍ ആദ്യം ചെയ്തതെന്ന് മണികണ്ഠന്‍ പറയുന്നു. ഭക്ഷണം വെട്ടിക്കുറച്ചു, സൈക്ലിങ് തുടങ്ങി. അങ്ങനെ ആകെ മൊത്തം ചെയ്ഞ്ച്. ഇതോടെയാണ് ഒറ്റയടിക്ക് 15 കിലോ കുറഞ്ഞത്.
കഥാപാത്രത്തിന്റെ പൂര്‍ണതയ്ക്കായി താന്‍ എന്ത് റിസ്‌കും എടുക്കാന്‍ തയ്യാറാണ് എന്നും താരം കൂട്ടിച്ചേര്‍ത്തു. കമ്മട്ടിപ്പാടത്തിലൂടെയാണ് മണികണ്ഠന്‍ മലയാളികളുടെ പ്രിയപ്പെട്ട ബാലന്‍ചേട്ടനായി മാറിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
