ബാംഗ്ലൂര്‍: ബൈക്ക് യാത്രികരെ ഇടിച്ചിട്ടതിന് ശേഷം നിര്‍ത്താതെ പോയ സിനിമ നടിയുടെ കാര്‍ നാട്ടുകാര്‍ പിന്തുടര്‍ന്ന് പിടിച്ച് തല്ലിത്തകര്‍ത്തു. തെന്നിന്ത്യന്‍ വിവാദ നായിക രഞ്ജിതയുടെ കാറാണ് ബാംഗ്ലൂരില്‍ അപകടമുണ്ടാക്കിയത്. ശനിയാഴ്ച ഉച്ചകഴിഞ്ഞ് നിലമംഗല റോഡിലാണ് അപകടമുണ്ടായത്. സംഭവത്തില്‍ ഗുരുതരമായി പരിക്കേറ്റ നാരായണ്‍ ഡൗഡ, ലക്ഷികാന്ത് എന്നിവര്‍ ചികിത്സയിലാണ്.
സന്യാസി നിത്യാനന്ദ സ്വാമിയുടെ ബെംഗളൂരുവിലെ ആശ്രമത്തിലെ അന്തേവാസിയാണ് ഇപ്പോള്‍ രഞ്ജിത. സ്വാമി നത്യാനന്ദയുടെ പ്രധാന ശിഷ്യയായ ഇവര്‍ സിനിമയില്‍ നിന്ന് വിട്ടു നില്‍ക്കുകയാണ്. ആശ്രമത്തിലേക്ക് പോകും വഴിയായിരുന്നു രഞ്ജിതയുടെ കാര്‍ അപകടത്തില്‍പ്പെട്ടത്.
ബൈക്ക് യാത്രികരെ ഇടിച്ചതിന് ശേഷം നിര്‍ത്താതെ പോയ കാര്‍ നാട്ടുകാര്‍ പിന്തുടര്‍ന്നു പിടിക്കുകയായിരുന്നു. തുടര്‍ന്ന് രോക്ഷാകുലരായ നാട്ടുകാര്‍ കാറിന്റെ ചില്ലുകള്‍ തല്ലിത്തകര്‍ത്തു. ആശ്രമത്തിലെ മറ്റ് സന്യാസികളെത്തിയാണ് രഞ്ജിതയെ ആള്‍ക്കുട്ടത്തിന്റെ ഇടയില്‍ നിന്ന് രക്ഷപ്പെടുത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
