പ്രമുഖ സംവിധായകന്‍ ശേഖര്‍ കപൂറിനെതിരെ കേസ് നല്‍കി മുന്‍ ഭാര്യയും നടിയുമായ സുചിത്ര കൃഷ്ണമൂര്‍ത്തി. മകള്‍ക്ക് അവകാശപ്പെട്ട സ്വത്തുക്കള്‍ വിട്ടുകിട്ടണം എന്ന ആവശ്യം ഉന്നയിച്ചാണ് സുചിത്ര ശേഖറിനെതിരെ കേസ് നല്‍കിയിട്ടുള്ളത്. നടന്‍ കബീര്‍ ബേദിയും കുടുംബവും താമസിക്കുന്ന ഫഌറ്റുമായി ബന്ധപ്പെട്ടാണ് കേസ്.
കബീര്‍ ബേദി താമസിക്കുന്ന ഫഌറ്റ് തന്റെ മകള്‍ കാവേരിക്ക് അവകാശപ്പെട്ടതാണെന്നാണ് സുചിത്ര അവകാശപ്പെടുന്നത്. ശേഖറിന്റെ ഒത്താശയോടെയാണ് കബീറും ഭാര്യയും ആ ഫഌറ്റില്‍ താമസിക്കുന്നതെന്നും സുചിത്ര ആരോപിച്ചു. മറ്റൊരു വഴിയും മുന്നിലില്ലാത്തതിനാലാണ് കേസ് നല്‍കിയതെന്നും ഭാവിയില്‍ കാവേരിക്ക് ഒരു പ്രശ്‌നമുണ്ടാകരുതെന്നാണ് തന്റെ ആവശ്യമെന്നും സുചിത്ര പറഞ്ഞു.
തന്റെ ഫഌറ്റില്‍ നിന്ന് കബീര്‍ ബേദിയും ഭാര്യയും ഒഴിയുന്നില്ലെന്ന് മുമ്പ് ഒരു അഭിമുഖത്തിലും സുചിത്ര പറഞ്ഞിരുന്നു. എന്നാല്‍ ഫഌറ്റിന് കൃത്യമായ ഒരു വാടക കരാര്‍ ഉണ്ടെന്നാണ് ഇതിന് മറുപടിയായി കബീര്‍ പറഞ്ഞത്.
1997ല്‍ വിവാഹിതരായ സുചിത്രയും ശേഖറും 2007 സെപ്തംബറിലാണ് വിവാഹമോചിതരായത്. ഇവരുടെ ഏകമകളാണ് കാവേരി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
