മരണ വാർത്ത വ്യാജം, ഗായിക എസ് ജാനകിയുടെ ആരോഗ്യനില മെച്ചപ്പെട്ടെന്ന് മകൻ

ശസ്ത്രക്രിയയ്ക്ക് വിധേയയായ ഗായിക എസ് ജാനകിയുടെ ആരോഗ്യ നില മെച്ചപ്പെട്ടെന്ന‌ വിശദീകരണവുമായി കുടുംബം. ​ഗായിക എസ് ജാനകി അന്തരിച്ചെന്ന തരത്തിൽ വ്യാജവാർത്തകൾ പ്രചരിച്ച സാഹചര്യത്തിലാണ് വിശദീകരണവുമായി കുടുംബാംഗങ്ങൾ രം​ഗത്തെത്തിയത്.

ആരോഗ്യനില ഏറെ മെച്ചപ്പെട്ടെന്നും ഇപ്പോൾ സുഖം പ്രാപിച്ചു വരികയാണെന്നും മകൻ മുരളി കൃഷ്ണ അറിയിച്ചു. വ്യാജ വാർത്ത പ്രചരിക്കുന്നതിനിടെ ​ഗായകൻ മനോ അടക്കമുള്ളവർ ജാനകിയമ്മയുടെ ആരോഗ്യനില തൃപ്തികരമാണെന്ന് സാമൂഹ്യ മാധ്യമങ്ങളിലൂടെ അറിയിച്ചിരുന്നു.

തെന്നിവീണ് ഇടുപ്പെല്ലിന് പരിക്കേറ്റതിനെ തുടർന്നാണ് ജാനകിയമ്മയെ ശസ്ത്രക്രിയയ്ക്ക് വിധേയയാക്കിയത്.